Motivate News

कहाँ छन्, ‘फ्रि भिसा फ्रि टिकट’को सुरुवात गर्ने पूर्व श्रम राज्यमन्त्री गुरुङ ?

काठमाडौं – शुशिल कोइराला सरकारको पालामा श्रम तथा रोजगार राज्यमन्त्री थिए टेकबहादुर गुरुङ । जसले जनताको पक्षमा निकै कठोर निर्णय गरेका थिए । ६ वटा खाडी मुलुक र मलेसियामा बैदेशिक रोजगारीमा जादा फ्रि भिसा र फ्रि टिकट लागु गराउने आँट गर्दा उनका सहपाठीहरूको विरोध सहिनसक्नु भएको थियो उनलाई । यो व्यवस्था अहिले कार्यान्वयनकै चरणमा छ । सरकार परिवर्तन पछि उनको बारेमा कमैलाई जानकारी छ । मनाङबाट प्रत्यक्ष निर्वाचनमा नेपाली कांग्रेसबाट बिजयी हुदै सांसद बनेका गुरुङ अहिले कहाँ, के  गर्दै छन्, उनको बारेमा सोधीखोजी गरेका छन् मोटिभेटन्युजका सम्बाददाता कृष्ण कटेलले । प्रस्तुत छ पुर्व श्रम तथा रोजगार राज्यमन्त्री टेकबहादुर गुरुङसंग गरिए कुराकानीको सम्पादित अंश ।

आजभोलि तपाईको बारेमा चर्चा हुन छोड्यो, कता तिर व्यस्त हुनुहुन्छ ? 

आजभोलि जिल्लाकै काममा व्यस्त छु । जिल्लाको विकास कसरी गर्ने भन्नेमा केन्द्रित छु । अहिले मनाङमा सडक पुगेको छ, त्यो सडकको स्तरोन्नती गर्ने तर्फ, अनि जिल्लाबासी दाजुभाइ दिदीबहिनीहरुको बिचमा पुग्ने, उनीहरुको गुनासो सुन्ने यस्तै यस्तैमा व्यस्त छु । अनि पार्टीको कार्यक्रममा पनि सहभागीता जनाई रहेको छु ।

तपाईको राजनीतिक यात्राको सुरुवात कसरी भयो ?

मनाङका अधिकांश मानिसहरु राजनीतिमा चासो राख्दैन, अहिले चासो बढेको छ । म व्यापारमा राम्रो गर्दै अगाडी बढेँ । पञ्चायतकालको बेलामा मनाङको प्रतिनिधित्व लमजुङकाहरुले गर्थे । मलाइ त्यसबेलादेखि हामीहरु मनाङको प्रतिनिधित्व गर्न सकिहाल्छौ नि भन्ने लाग्थ्यो । पछि गणेशमान, गिरिजाप्रसाद उनीहरुको व्यक्तित्व, नेतृत्व गर्ने क्षमताबाट प्रभावित भएँ र राजनीतिमा संग्लन भए ।

श्रम तथा रोजगार राज्यमन्त्री हुँदा तपाइले खाडी मुलुकसहितका ६ देशहरुमा फ्रि भिसा फ्रि टिकट लागु गराउनुभयो, यस्तो जोखिम मोल्ने आँट कसरी आयो ?

बैदेशिक रोजगारसम्बन्धी मलाइ राम्रो ज्ञान छ । कुनैबेला बिदेशी कम्पनीहरुले नेपालका कामदारलाइ उल्टै पैसा दिएर लैजाने गर्थे । त्यो समय फेरिएर हजारौँ, लाखौ रुपैया बुझाएर पनि नेपालीहरु आजभोलि बैदेशिक रोजगारीमा गइरहेका छन् । त्यति खर्च गर्दासमेत उनीहरुको सुरक्षा, कमाइ, आकर्षक तलव सुनिश्चित छैन । धेरै नेपालीहरु बैदेशिक रोजगारीका नाममा ठगिएका छन् । क्रणमा डुबेका छन् ।

कतिले त उतै जीवन समाप्त गरेका छन् । यसर्थ वैदेशिक रोजगारलाइ व्यवस्थित वनाउन आवश्यक थियो । मैले यो फ्रि भिसा फ्रि टिकटको कुरा ल्याएँ । यसले गर्दा बैदेशिक कम्पनी कतिको गुणस्तरीय हो भन्ने थाहा हुन्छ, फ्रि टिकट दिनसक्ने कम्पनी त राम्रै हुन्छ । जसले गर्दा वैदेशिक रोजगारीलाइ झनै व्यवस्थित बनाउछ ।

फ्रि भिसा फ्रि टिकट, कार्यान्वयन हुन सकेको छैन नि ? जनता लाखौ तिरेर गैरहेका छन् ।

यो कार्यान्वयन हुदै गएको छ र छिट्टै नै प्रभावकारी रुपमा कार्यान्वयन हुनेछ भन्ने मलाइ लाग्छ । यो लागु हुदैमा बैदेशिक रोजगार व्यवसायीहरु आत्तिहाल्नुपर्ने अवस्था हुदैन । फ्रि भिसा फ्रि टिकटको व्यवस्थाले बैदेशिक रोजगारलाइ अझ व्यवस्थित बनाउछ ।

यहाँको बाल्यकाल फर्केर हेरौँ,कस्तो थियो बाल्यकाल ?

मेरो जन्म मनाङको तेङ्गी मनाङ वडा नम्बर २ मा भएको हो । बाल्यकाल मनाङ र पोखरामा बित्यो । मनाङमा हुदाकै बाल्यकाल सम्झिने हो भने आजभोलि पनि मलाइ रुन मन लाग्छ । किनकी दुर्गम क्षेत्र, उकाली ओराली धेरै विकटताका बिच पनि वाल्यकाल रमाइलोका साथ नै बित्यो । अर्कातिर त्यो बेला मेरा बुवा आमाले कसरी हुर्काउनुभयो होला भन्ने लाग्छ । मेरो बुवा लगायत अन्य धेरै पुरुषहरु समुन्द्रपार मलेसिया जाने, ह्याण्डिक्राफ्टको व्यापार गरेर फर्किनुहुन्थ्यो । ममी तथा गाउँघरका अन्य मानिसहरु १५ दिन हिडेर बुटवलको ठोरी आएर दाल, चामल, नुन तेल ओसार्नुहुन्थ्यो । यस्तै परिस्थिती हेर्दै हुर्किएको हुँ म ।

दुर्गम ठाउँमा भएपनि पारिवारिक स्थिती कस्तो थियो ?

सम्पन्न परिवार हो । मेरो बाजे समाजसेवा गर्नुहुन्थ्यो । गाउँघरका गरिवहरुलाइ हेर्ने,सहयोग गर्नुहुन्थ्यो । बाजेको नाम बामे गुरुङ हो । उहाँको नाम भनेपछि सबैले चिन्थे ।

औपचारिक शिक्षा कहाँबाट प्रारम्भ गर्नुभयो ?

छोराछोरीलाइ शिक्षा दिनुपर्छ भनेरै मेरा बुवा आममले हामीहरुलाइ मनाङबाट पोखरा ल्याउनुभयो । मेरो प्रारम्भिक शिक्षा पोखराबाटै सुरु भयो । पछि काठमाण्डौमा आएर पढेँ । त्यसबेला मलेसिया सिंगापुर जाने भनेपछि निकै महत्वका साथ हेरिन्थ्यो । त्यसपछि म पनि मलेसिया सिंगापुर गएर व्यापार सुरु गरेँ । त्यसक्रममा अन्य विभिन्न देश घुमेँ । ह्याण्डिक्राफ्टको व्यापार गरियो ।

युवा अवस्थामा मायाप्रेम कत्तिको बस्यो ?

त्यस्तो समय नै भएन । म मायाप्रेम गर्ने भन्दापनि कसरी व्यापारमा राम्रो गर्ने भन्नेमा लागिरहेँ । एकजना विदेशी युवतीले मलाइ मन पराएकी थिइन् । उनको परिवारले पनि मलाइ उनीहरुकै देश अष्ट्रेलियामा लैजाने प्रस्ताव गर्थे । तर मैले मानिन । पछि सम्पर्क नै नभएपछि कुनै सम्बन्ध लामो समयसम्म टिक्न सकेन ।

प्रतिकृया दिनुहोस्

इतिहासका निर्माता जनता हुन् भन्ने कुरा कालिकोटले पुष्टि गरेको छ : रणबिर

काठमाडौँ – स्थानीय तहको पहिलो चरणको निर्वाचन सम्पन्न भएर केही स्थानिय तहको नतिजा सार्वजनिक हुनेक्रम जारी छ । सरकारले गराएको स्थानिय तहको निर्वाचन नेत्रबिक्रम चन्द (विप्लव) नेतृत्वको नेपाल कम्युनिस्ट पार्टीले वहिस्कार गरेको थिया । निर्वाचन वहिस्कार गरेर खारेजिको अभियान चलाएको नेकपाले कालिकोटमा...

महिलामा सेवाको भावना धेरै हुन्छ ः रमला बराल (उपाध्यक्ष ने.नि.क.यु.सं.झापा)

स्वास्थ्य क्षेत्रमा महिलाहरु धेरै आकर्षित हुनुको कारण के हो ? महिला भनेको मानवीय नाता, दयालु भावना र कोमल हृदयको खानी हो । प्रकृतिको स्वभाव अनुसार नै यस्तो भावना पुरुषको तुलनामा महिलामा अत्यधिक हुन्छ । स्वास्थ्य क्षेत्रमा यी चिजहरुको महत्वपूर्ण भूमिका हुनुका साथै...

सुबोध देवकोटाको नेतृत्व क्षमताकै कारण दुई संगठन एक भएको हो ः विजयहरि शर्मा (निवर्तमान केन्द्रीय सल्लाहकार तथा महाधिवेशन प्रतिनिधि मोरङ ने.नि.क. यु. सं)

नेपाल निजामती कर्मचारी युनियन (संघ)को महाधिवेशन धेरै पटक स्थगित भइसकेको छ, तपाई केन्द्रीय सल्लाहकार हुनुहुन्छ, के सातौं महाधिवेशन अबचाँही तोकिएकै समयमा होला र ? हाम्रो संगठन प्रजातान्त्रिक पद्धतिमा विश्वास राख्ने संगठन हो । अब यस संगठनको तोकिएको समयमा किन महाधिवेशन हुन सकेन...

हाम्रो संगठनको केन्द्रमै गुट उपगुट देखियो ः रवीन्द्र श्रेष्ठ (केन्द्रीय पार्षद ने.नि.क. यु. सं इलाम)

नेपाल निजामती कर्मचारी युनियन (संघ)को सातौं महाधिवेशनको अन्योल कहिलेसम्म ? हाम्रो संगठनको केन्द्रीय नेतृत्वमा रहेका साथीहरु सबैले निर्वाचन आयोगले लगाएको आचार संहिता समाप्त भएको १५ दिनभित्र कुनै पनि हालतमा सातौं महाधिवेशन सम्पन्न गर्ने भनेर निर्णय भएको जनकारी हामीले पाएका छौं । विगतका...