Motivate News

प्रक्रिया पुरा गरेर आउनेले आधा घण्टामै भिषा पाउँछन् : महानिर्देशक न्यौपाने

काठमाडौं – विदेशीलाई नेपालमा विभिन्न प्रयोजनको लागि आउन अनुमति (भिषा) दिने निकाय हो अध्यागमन विभाग । त्यही विभागलाई सफल रुपमा हाँकिरहेका छन् विभागका महानिर्देशक केदार न्यौपानेले । २०४७ सालमा सामान्य प्रशासन मन्त्रालयबाट सेवा प्रारम्भ गरेका न्यौपानेले काठमाडौं, मोरङ, सुनसरी र पाल्पामा स्थानीय विकास अधिकारीको रुपमा रहेर आफ्नो कुशल प्रशासकको भूमिका निभाइसकेका छन् । त्यस्तै गृह मन्त्रालय अन्तर्गत काभ्रेपलाञ्चोक जिल्लाको प्रमुख जिल्ला अधिकारी भएर समेत काम गरिसकेका छन् ।

आफ्नो काममा अडिग उनी काठमाडौंमा स्थानीय विकास अधिकारी हुँदा फर्पिङबाट दक्षिणकाली, कुलेखानी हुँदै हेटौडा जाने बाटाको ट्रयाक खोलेर त्यस आसपासका जनतालाई सडक संजालमा जोड्न सफल भएका थिए । माओवादी जनयुद्ध उत्कर्षमा पुगेको बेलामा उनलाई काम गर्न गाह्रो थियो, यता राजाको प्रत्यक्ष शासन, उता माओवादीको धम्की तर उनी यसबाट कति पनि विचलित नभइकन काम गरिरहेका थिए ।

विभिन्न क्षेत्रको अनुभव सम्हाल्दै न्यौपाने दुई वर्षअघि नेपालको अध्यागमन विभागको नेतृत्व सम्हाल्न आइपुगे । विश्वभरबाट नेपाल आउनलाई भिषा लगाउनेको ठुलो भीड थियो उनी प्रवेश गर्दाको समयमा । नेपालमा विभिन्न प्रयोजनको लागि आउने विदेशीहरुलाई अनुमति लिन आउनेहरुले दिनभर लाइन बसेर आफ्नो पालो पर्खिनुपर्ने अवस्था थियो । पर्यटन भिषामा होस् या व्यापारी भिषामा होस, अथवा विद्यार्थी भिषामा  नै किन नहोस् जो कोहीले पनि बिहानैदेखि लाइन बसेर आफ्नो पालो पर्खिन पथ्र्यो ।

त्यस्तै बिहान भिषा लगाउनको लागि आवेदन भरेपछि बेलुका मात्र सेवाग्राहीले राहादानी फिर्ता पाउँथे । उनलाई यस्ता खालका समस्याले पिरोल्यो । यसपछि उनले एउटा अठोट गरे, ‘म यहाँ रहँदासम्म जसरी पनि यस्ता खालका समस्याको समाधान गरेरै छोड्छु ।’ उनको यो अठोट एक वर्ष नपुग्दै पुरा भयो । अहिले यस्ता समस्याहरुको अन्त्य भएको छ । सेवा लिनेहरु बढेका छन् भने सेवा छिटो र छरितो भएको छ । जनशक्ति उहि हो, काम पनि त्यहि तर अहिले न त अध्यागमनमा लाइन देखिन्छ न त बिहानदेखि राहदानी छोडेर जान परेको छ । त्यति मात्रै होइन न्यौपाने अध्यागमनमा प्रवेश गर्दा नक्कली अध्यागमनको कर्मचारी बनेर सेवाग्राहीलाई ठग्ने गरेको पनि पाइन्थ्यो । तर अहिले यसरी सेवाग्राही ठगिएका छैनन् । उनी आएदेखि अध्यागमनमा सबै कर्मचारीलाई एउटै पोशाकको प्रयोग अनिवार्य गरिएको छ ।

आखिर कसरी यो सब कुरा सम्भव भयो ? अध्यागमनमा महानिर्देशक भएर आएको दुई वर्षमा कसरी भयो यी सवै समस्याको समाधान ? नेपालले पर्यटन वर्ष २०१७ मनाउँदै छ, पर्यटकलाई के छन् त विशेष सुविधाहरु ? यी र यस्तै विषयमा अध्यागमन विभागका महानिर्देशक केदार न्यौपानेसँग गरिएको कुराकानीको सम्पादित अंश:

तपाई आइसकेपछि अध्यागमनमा त धेरै सुधार भयो नि, यो कसरी सम्भव भयो ?

यो मैले भन्ने कुरा होइन । तपाईहरुले देख्ने र सेवाग्राहीले मनन गर्ने कुरा हो । म आएपछि अध्यागमनमा धेरै सुधारहरु भएका छन् । पहिला दिनभरिमा नसकिने काम अहिले केही समयमा नै सम्पन्न हुन्छन् । पहिला बाहिरसम्म सेवाग्राहीको लाइन देखिन्थ्यो भने अहिले लाइन नै छैन । सेवाग्राही घटेर यस्तो भएको होइन, सेवा लिनेहरुको संख्या बढेको छ, तर हामीले सुव्यवस्थित तरिकाले काम गरेको हुँदा यसो भएको हो । परिवर्तनको लागि यतिले मात्र पुग्दैन । पहिलेको भन्दा र भएको पक्कै हो तर पूर्ण रुपमा सुधार गर्नको लागि तिन ओटा कुरा आवश्यक पर्छ ।

पहिलो नीतिगत सुधार गर्नप¥यो । राम्रो नीति बन्यो भने अवश्य सेवामा सुधार हुन्छ । त्यस्तै दोस्रो भनेको प्रविधिको विकास र विस्तार हो । भिषा प्रणालीलाई अत्याधुनिक सप्टवेर प्रयोग गरी सुरक्षित गर्नुपर्ने, कर्मचारीलाई हौसला दिन केही सेवा सुविधा थपेमा यसमा अझ प्रभावकारी ढंगले काम हुनसक्छ । हामीले जति छिटो प्रविधिको विकास गर्न सक्छौं त्यति नै अध्यागमनको काम प्रभावकारी हुन्छ ।। तेस्रो भनेको कर्मचारीलाई तालिम, सेवा सुविधा आदि, इत्यादि हो । मैले गरेको भनेको दुइवटा कुराको सुधार हो । पहिला हामीले प्रविधिमा सुधार ग¥यौं । र अर्को भनेको कर्मचारीलाई तालिम र सेवा सुविधामा केही थप गर्दा पहिलाको भन्दा सुधार भएको हो ।

नीतिगत तहमा के कस्ता सुधारहरु भए, नेपालको अध्यागमनले अझै फट्को मार्न सकेको छैन नि ?

नीतिगत तहमा अयोग्य अथवा सम्बन्धित क्षेत्रसँग जानकार नभएका कर्मचारीलाई अध्यागमनमा सरुवा गर्नु हुँदैन । त्यस्तै सरकारले अध्यागमन विभागलाई प्राथमिकतामा राख्नुप¥यो । अध्यागमनका योजनाहरु प्राथमिकतामा पर्नु नै सबैभन्दा ठुलो उपलब्धि हुन्थ्यो । किनकि राष्ट्रिय गौरवका आयोजनालाई सरकारले पहिलो प्राथमिकतामा राख्छ । अध्यागमन राष्ट्रिय गौरवको आयोजनामा नपर्नाले सरकारको प्राथमिकतामा परेन र सुधार हुन सकेन । त्यस्तै सबै किसिमले योग्य कर्मचारीलाई अध्यागमनमा ल्याउनुपर्छ । प्रविधिमा अबडेट कमचारीलाई राख्न सक्यो भने अझ व्यवस्थित अध्यागमन बन्छ ।

त्रिभुवन एयरपोर्टमा अटोमेटिक डोर सिस्टम लागू गर्ने कुरा के भइरहेको छ ?

काम भइरहेकै छ । जति हुनपर्ने हो ,त्यो चाँहि नभएको पक्कै हो । यसका विविध कारणहरु छन् । आर्थिक समस्याले मात्र होइन, सरकारको प्राथमिकतामा नपर्दा यस्ता कामहरु ओझेलमा पर्छन् । मैले अघिपनि भनेँ जबसम्म कुनैपनि ठुला योजनाहरु राष्ट्रिय गौरवको आयोजनाभित्र पर्दैनन् तवसम्म यस्ता आयोजनाहरु ओभेलमा पर्छन् । सरकारको प्राथमिकतामा नपरेका योजनाहरुमा कसैले चासो दिँदैन, सोधीखोजी गर्दैनन् मनपरी हुन्छ । अर्को कुरा भनेको नेपालमा भिषाको विज्ञ नै छैनन् । विज्ञ नहुँदा कसरी काम सम्पन्न गर्ने भनेर समस्या आउँदो रहेछ । वाहिरबाट विज्ञ ल्याउँदा पनि सुरक्षाको हिसावले खतरा हुन्छ । यस्ता विविध कारणले गर्दा त्रिभुवन एयरपोर्टको काममा ढिलाइ भएको छ ।

हाम्रो देशको अध्यागमन अन्य देशको अध्यागमनमा केही भिन्नता छ ?

नेपालको अध्यागमन र अन्य देशको अध्यागमनमा धेरै भिन्नता छ । नेपालमा भिषा लगाएर आउन सजिलो छ जान गाह्रो छ । विदेशमा भिषा लाग्न गाह्रो हुन्छ तर फर्किन सहज छ । नेपालमा धेरैभन्दा धेरै पर्यटकहरुको आगमन होस् भन्ने नीति छ । त्यही नीतिका कारण धेरै बिदेसीहरु नेपालमा आउँछन् तर फर्किन समस्या छ । यसरी नेपाल आएका हरुलाई फर्किदा केहि समस्या प¥या भने सिधै जेल जाने बाहेक कुनै विकल्प हुँदैन ।

विदेशीले नेपालमा लगानी गर्छु भनेर आउँदा कति समयमा भिषा पाउँछन् ?

विदेशीहरु साँच्चै नेपालमा लगानी गर्न भनेर आएका हुन् भने केही समस्या हुँदैन, जो लगानी गर्ने बहानामा नेपाल आउँछन् उनीहरुलाई धेरै गाह्रो छ । जो साँच्चै लगानी गर्ने सोचका साथ नेपाल आएका छन् उनीहरुले प्रक्रिया पुरा गरेको आधा घण्टामा भिषा पाउँछन् ।

नेपालले सन् २०१७ लाई पर्यटन वर्षको रुपमा मनाउने घोषणा गरेको छ, यसमा अध्यागमनको भूमिका के रहन्छ ?

पर्यटन वर्ष २०१७ लाई सफल पार्न हामीले दिने सेवा सुविधा छिटो छरितो गर्छौं । पर्यटकलाई अध्यागमनबाट गुणस्तरीय सेवा प्रवाहमा हामी कुनै कसर राख्दैनौं ।

प्रतिकृया दिनुहोस्

महिलामा सेवाको भावना धेरै हुन्छ ः रमला बराल (उपाध्यक्ष ने.नि.क.यु.सं.झापा)

स्वास्थ्य क्षेत्रमा महिलाहरु धेरै आकर्षित हुनुको कारण के हो ? महिला भनेको मानवीय नाता, दयालु भावना र कोमल हृदयको खानी हो । प्रकृतिको स्वभाव अनुसार नै यस्तो भावना पुरुषको तुलनामा महिलामा अत्यधिक हुन्छ । स्वास्थ्य क्षेत्रमा यी चिजहरुको महत्वपूर्ण भूमिका हुनुका साथै...

सुबोध देवकोटाको नेतृत्व क्षमताकै कारण दुई संगठन एक भएको हो ः विजयहरि शर्मा (निवर्तमान केन्द्रीय सल्लाहकार तथा महाधिवेशन प्रतिनिधि मोरङ ने.नि.क. यु. सं)

नेपाल निजामती कर्मचारी युनियन (संघ)को महाधिवेशन धेरै पटक स्थगित भइसकेको छ, तपाई केन्द्रीय सल्लाहकार हुनुहुन्छ, के सातौं महाधिवेशन अबचाँही तोकिएकै समयमा होला र ? हाम्रो संगठन प्रजातान्त्रिक पद्धतिमा विश्वास राख्ने संगठन हो । अब यस संगठनको तोकिएको समयमा किन महाधिवेशन हुन सकेन...

हाम्रो संगठनको केन्द्रमै गुट उपगुट देखियो ः रवीन्द्र श्रेष्ठ (केन्द्रीय पार्षद ने.नि.क. यु. सं इलाम)

नेपाल निजामती कर्मचारी युनियन (संघ)को सातौं महाधिवेशनको अन्योल कहिलेसम्म ? हाम्रो संगठनको केन्द्रीय नेतृत्वमा रहेका साथीहरु सबैले निर्वाचन आयोगले लगाएको आचार संहिता समाप्त भएको १५ दिनभित्र कुनै पनि हालतमा सातौं महाधिवेशन सम्पन्न गर्ने भनेर निर्णय भएको जनकारी हामीले पाएका छौं । विगतका...

संघीयतामा निजामती कर्मचारीको सम्मानजनक समायोजन हुनुपर्छ ः गोपाल दाहाल (केन्द्रीय पार्षद, ने.नि.क.यु.सं मोरङ)

नेपाल निजामती कर्मचारी युनियन (संघ) राजनीतिक संगठनजस्तो देखिएको छ, यो एक पेशागत संगठन हो वा राजनीतिक ? हाम्रो यो संगठन विशुद्ध पेशागत संगठन हो । निजामती सेवामा रहेका कर्मचारीहरुको हक हित र ट्रेड युनियन अधिकारको वकालत गर्ने काम यस संगठनको हो ।...