Motivate News

समयमा प्रविधि चिन्दा सफलताको शिखरमा अलाइभ

काठमाडौं – सधैँभरी व्यस्त रहन्छ न्यूरोड । किनमेलकालागि न्यूरोडमा जानु छ भनेर तयारी नै गरेर त्यहाँ पुग्नेहरु धेरै छन् । यहाँको एउटा विशेषता नै भीडभाड हो । अझ प्रविधिसँग सम्बन्धित सामानहरूको खरिदकालागि त सबैको पहिलो रोजाई नै न्यूरोड हुन्छ । पछिल्लो समय प्रविधिमा विश्वले छिटोछिटो चमत्कारी शैलीमा फड्को मारिरहेको छ । विशेषगरी मोबाइल फोन सेटमा आएको परिवर्तनको गति निकै तिव्र छ । अहिले मोवाइल बिनाको जीवन सोच्न पनि नसक्ने स्थिति बनिसकेको छ ।

सामान्यदेखि पछिल्ला अपडेटेड मोबाइल किन्नेहरू धेरैले न्यूरोडस्थित ताम्राकार कम्पेल्क्स टेकेकै हुन्छन् । त्यही ठाउँमा सिटिभी मोवाइल नामको एउटा मोबाइल पसल छ । यसलाई हाँकिरहेका छन् युवा एवं सफल व्यवसायी अलाइभ ग्लाइडरले । तपाईलाई यो नाम सुन्दा पक्कै पनि अनौठो लाग्यो होला हैन, यीयुवाको खास नामहो किसन राई तर पनि उनी आफूलाई अलाइभ ग्लाइडरको रुपमा नै चिनाउन चाहन्छन् । अलाइभ ग्लाइडर अर्थात् जिउँदो यात्री । खोटाङको हलेसी सल्ले गाउँमा जन्मिएका अलाइभको प्रविधि भने पछि हुरुक्क हुने स्वभाव छ, त्यही स्वभावका कारण आज उनी एक सफल यूवा व्यवसायी बनेर चिनिएका छन् । ३५ वर्षको उमेरमा उनले जुन सफलता प्राप्त गरेका छन्, त्यो सफलताले धेरैलाई लोभ्याउँछ ।

कुनै पनि घटना सामान्यनै हुन सक्छ तर, त्यसले कसैको जीवनमा गहिरो छाप पार्न सक्छ । ठिक त्यस्तै भयो अलाइभको जीवनमा पनि । उनी सानो छँदा घडीमा ब्याट्रीहाल्न जाँदा पसलेले उनलाई ठगेको रहेछ । पसलेको व्यवहार मन नपरेपछि उनमा आफैँ घडी रेडियो बनाउने उत्सुकता जाग्यो र त्यसैतिर लाग्न थाले । काम सिक्ने उत्सुकताले उनी छिट्टै नै घडी, रेडियो, टिभी मर्मत गर्न सक्ने भए । १७ वर्षको उमेर देखि नै उनले घडी, रेडियो, टिभी मर्मत गर्दै व्यापार शुरु गरे । समय अनुसार प्रविधि परिवर्तन भइरहन्छ । यही प्रविधिलाई आत्मसात गरेर काम गर्ने उनको बानी छ । जुन समयमा जे बिक्छ, त्यही बिक्री गर्नुपर्छ भन्ने उनको मान्यता छ । खोटाङमा रहँदा नै अलाइभले हाइभिजनहल समेत सञ्चालन गरेका थिए ।

प्रविधिको परिवर्तनशीलतासँगै बजारमा मोबाइल सेट आयो । उनले सोचे, अबको भविष्य मोबाइल बजारमा छ । त्यसपछि उनी मोबाइलको ब्यापारतिर लागे । २१ वर्षको उमेरसम्म खोटाङमै व्यापार गरेपछि उनी काठमाडाँै आएर शुरु गरेको व्यापारका कारण अहिले उनको दामसँगै नाम पनि निकै बढिरहेको छ । सिटिभी मोबाइलका सञ्चालक अलाइभले १२० जनाभन्दा बढी मान्छेलाई प्रत्यक्ष रोजगारी दिइरहेका छन् । उनको सिटिभी मोवाइलका अतिरिक्त आइटी सम्बन्धि अरु आठ ओटा कम्पनीहरू समेत छन ।

न्यसका साथै सहकारीमा पनि उनको संलग्नता छ । उनी न्यूरोडमै रहेको युवाविकास बहुउद्देश्यीय सहकारीको अध्यक्ष भएर यसलाई पनि सफल रुपमा हाँकिरेका छन् । अलाइभ आफैं पनि मोबाइलमा सौखिनछन् । आफूले जानेको र रुचिलाई व्यवसायको रुपमा अगाडि बढाउँदा आज उनी निकै सफल छन् । तर पनि उनी यसलाई सफलता भन्दापनि सफलताको यात्राको रुपमा बुझ्दछन् ।

मिसन, भिजन र क्रियशन भयो भने हरेक मानिस सफल हुनसक्ने उनको तर्क छ । समयलाई ठिक ढङ्गले चिनेर बेलैमा आत्मसाथ गर्नुपर्ने उनको मान्यता छ । सँधैभरि आफ्नो काममा खटिरहने, सधैँ व्यस्त भइरहने अलाइभको जीवन प्रतिको आफ्नै दृष्टिकोण छ । उनी भन्छन्, ‘जीवनभनेको बाँचुञ्जेल छट्पटीमा, र व्यस्ततामा बित्नुपर्छ, मर्दा हाँसेर मर्नुपर्छ । मरेपछि उसको नाम इतिहासमा लेखिनु पर्छ, यत्ति गर्न सक्ने मानिस नै सफल मानिस हो ।’

वास्तवमै आफ्नो लगनशीलता र सृजनशीलताले यीयुवाले सानो उमेरमा नै जुन सफलता प्राप्त गरेका छन्, ती अरुकालागि पक्कै अनुकरणीय छ ।

प्रतिकृया दिनुहोस्

सीमांकनबिना संशोधन असम्भव : मोर्चा

चैत १३ , काठमाडौं – मधेसी मोर्चाले सीमांकनसहित संविधान संशोधन विधेयक पारित गर्दै धारा २७४ समेत संशोधन हुनुपर्ने ‘बटमलाइन’ प्रस्तुत गरेको छ। मोर्चाका शीर्ष नेताहरूले सीमांकनबिनाको सरकारी कार्यदलले ल्याउने प्रस्तावमा कुनै प्रकारको छलफल र परामर्श हुनै नसक्ने जिकिर पनि गरेका छन्। यो...

एनसेलको कर असुल्न अर्थ अर्थ मन्त्रालयको निर्देशन

चैत १३ , काठमाडौं – एनसेल बिक्री भएको एक वर्ष तीन महिनापछि बल्ल अर्थ मन्त्रालयले आन्तरिक राजस्व विभागलाई पत्राचार गर्दै कर असुली गर्न निर्देशन दिएको छ। यो खबर हामीले आजको कान्तिपुरबाट लिएका हौ। अर्थ सचिव शान्तराज सुवेदीले विभागलाई ‘यथाशीघ्र कर असुली गर्नू’...

‘कछुवा गति’ मा कलंकी-कोटेश्वर सडक विस्तार

चैत १३ , काठमाडौं – अचाक्ली धुलो भयो। घरबाट बाहिर निस्कनै सकस भयो। अहिले उपत्यकावासी हरेकले यसै भन्छन्। धुलो पनि किन नहोस् ? कामको गति कछुवाको जस्तै छ। यो खबर हामीले आजको नागरिक दैनिकबाट लिएका हौ। अव्यवस्थित पनि उत्तिकै। उपत्यकाको केन्द्रमा थालिएको...

११ जिल्लामा मतदानस्थल टुंगिन बाँकी

चैत १३ , काठमाडौं – स्थानीय तह निर्वाचनका लागि ६४ जिल्लामा मतदानस्थल तय भएको छ। तराईका सप्तरी, सिरहा, धनुषा, महोत्तरी, सर्लाही, बारा, पर्सा रौतहटसहित ११ जिल्लाका मतदानस्थल तोकिन बाँकी छ। सबै जिल्लामा निर्वाचन कार्यालय सञ्चालनमा छन्। यो खबर हामीले आजको नयाँ पत्रिकाबाट...