Motivate News

अर्जुन राधा फाउण्डेसनद्वारा छात्रवृत्ति तथा पत्रकार सम्मानकालागि १ लाखको अक्षय कोष स्थापना

पुस १७, काभ्रे – अर्जुन राधा फाउण्डेसनद्वारा काभ्रे जिल्लाको चण्डेनी मण्डन–३ मा रहेको श्री विन्धबासिनी माविलाई विद्यार्थी छात्रवृत्ति तथा पत्रकार सम्मानकालागि रु. १ लाख रुपैयाँ प्रदान गरेको छ ।

विद्यालयको ३८ औं वार्षिकोत्सव तथा अभिभावक सम्मेलनका बिच अर्जुन राधा फाउण्डेसनका संस्थापक सुमन नेपालले रु. १ लाखको चेक श्री विन्धबासिनी माविका प्रधानाध्यापक अच्यूतप्रसाद नेपाललाई हस्तान्तरण गरेका थिए । कार्यक्रममा बोल्दै अर्जुन राधा फाउण्डेसनका संस्थापक नेपालले आधुनिकता भित्रिएसँगै आमाबाबु जिउँदो हुँदा राम्रो हेरचाह नगर्ने तर देहान्तपछि विभिन्न नाममा खर्च गर्ने परम्परा तोड्दै आमाबाबुलाई नै साक्षी राखी आमाबाबुको नाममा छात्रवृत्ति तथा पत्रकारलाई सम्मान गर्न अक्षयकोष स्थापना गरिएको बताए ।

उनले श्री बिन्धबासिनीमा आफुले कखग सिकेको र सोही विद्यालयमा छात्रवृत्ति तथा पत्रकार सम्मानकालागि अक्षयकोष स्थापना गर्न पाउँदा खुशी लागेको बताएका थिए । फाउण्डेसनका संस्थापक नेपालले भविश्यका कर्णदार, मेहनती र जेहेन्दार विद्यार्थीलाई प्रोत्साहन गर्न छात्रवृत्ति र आफुपनि श्रमजीवी पत्रकार भएकाले प्रत्येक वर्ष एकजना भएपनि पत्रकारलाई प्रोत्साहन स्वरुप सम्मान गर्न लागिएको बताएका थिए ।

विद्यालयका प्रधानाध्यापक अच्यूतप्रसाद नेपालले छात्रवृत्ति तथा पत्रकार सम्मानकालागि अक्षय कोष स्थापना गर्ने अर्जुन राधा फाउण्डेसन र संस्थापक सुमन नेपाललाई धन्यवाद दिदै प्रत्येक वर्ष पुस १६ गते श्री विन्धबासिनीमा अध्ययनरत सिमान्तकृत, आदिवासी जनजाति, दलित तथा पिछडिएका वर्गलाई प्राथमिकता दिदै रु. १०,०००।– (दस हजार) को “अर्जुन राधा छात्रवृत्ति” तथा काभ्रे जिल्लामा क्रियाशिल श्रमजीवी पत्रकार वा राष्ट्रिय रुपमा पत्रकारिताका माध्यमबाट उल्लेख्य योगदान पुर्याउने काभ्रेका एकजना पत्रकारलाई रु. ५,०००।– (पाँच हजार) नगदसहित “अर्जुन राधा विन्धबासिनी पत्रकारिता सम्मान” प्रदान गरिने जानकारी दिए । प्रअ नेपालले योे अक्षयकोष सायद मण्डन भेगकै पहिलो भएको बताएका थिए ।

विद्यालयको वार्षिकोत्सव तथा अभिभावक सम्मेलनका वक्ताहरुले अर्जुन राधा फाउण्डेसन तथा संस्थापक सुमन नेपालको प्रसंशा गर्दै अहिलेका युवाहरुले यस्ता सकारात्मक कामको अनुसरण गर्न जरुरी रहेको बताएका थिए ।
अर्जुन राधा फाउण्डेसन संस्थापक सुमन नेपालका पिता अर्जुनबहादुर नेपाल तथा माता राधा नेपालले आफुहरुको नामबाट छोराहरुले सामाजिक काम गर्दा गर्व महशुस भएको बताएका थिए ।

२०३६ सालबाट अध्यापनमा लागेका शिक्षक अर्जुनबहादुर नेपाल हाल पनि सोही श्री विन्धबासिनी माविमा अध्यापनरत छन् । फाउण्डेसनका संस्थापक सुमन नेपाल विगत १५ वर्षदेखि पत्रकारिता क्षेत्रमा सक्रिय रहेका छन् । नागरिक मिडिया क्लब नेपालका अध्यक्षसमेत रहेका नेपाल, माउन्टेन टेलिभिजनबाट प्रसारण हुने “उद्यम र रोजगार” कार्यक्रमका निर्देशक तथा प्रस्तोता हुन् ।

प्रतिकृया दिनुहोस्

देमिनको निर्देशनमा ‘शरदका पातहरु’ चलचित्र बन्ने

  वैशाख ७ काठमाडौं — राज्य राई देमिनको निर्देशनमा चलचित्र ‘शरदका पातहरु’ बन्ने भएको छ । बैशाख १५ गतेबाट फ्लोरमा जाने चलचित्रको हिजो एक कार्यक्रम बीच शुभमुहुर्त गरियो । चलचित्र शरदका पातहरु लामो समयदेखि चलचित्र क्षेत्रमा निर्माण नियन्त्रकको रुपमा काम गर्दै आएका...

समयमै अधिवेशन गर्न नसक्दा प्रजातन्त्रको प्राण हरण भएको छ ः सुनिल लामिछाने (अध्यक्ष ने.नि.क.यु.सं नवलपरासी)

  निजामती कर्मचारीहरुलाई ट्रेड युनियनको अधिकार किन ? हामी जतिपनि नेपाल सरकारका निजामती कर्मचारीहरु छौं । सबै नै बौद्धिक श्रमिक हौं भन्ने हाम्रो मान्यता छ । संयुक्त राष्ट्रसंघको आइएलओ महासन्धिले सबै प्रकारका श्रम गर्नेलाई ट्रेड युनियनको अधिकार दिनुपर्छ भनेको छ । नेपालले...

नेतृत्वको पदलोलुपताको कारण समयमै महाधिवेशन हुन नसकेको हो ः हरि बहादुर खत्री अध्यक्ष (आधिकारिक ट्रेड यूनीयन अछाम, पूर्व केन्द्रिय सदस्य पिछडिएको क्षेत्र)

आधिकारिक ट्रेड यूनीयनको निर्वाचनमा कर्मचारी यूनीयन (संघ) देशव्यापी रूपमा कमजोर   देखियो  नी किन यस्तो देखियो ? यसमा नेतृत्व पक्षले जिम्मा लिनु पर्ने कुरा हो । हाम्रो भन्नु केही छैन । अछाम जिल्ला  पिछडिएको जिल्ला हो । हामीले जितेर नै छाड्यौँ । यसको...

नेपाल निजामती कर्मचारी युनियन (संघ)को महाधिवेशन तुरुन्तै गर्नुपर्छ ः विश्वेश्वर सुवेदी (आधिकारिक ट्रेड युनियन अध्यक्ष तनहुँ)

नेपाल निजामती कर्मचारी युनियन (संघ) को महाधिवेशन किन पटक पटक मिति तय गरेर पनि हुन सक्दैन ? यसको महाधिवेशन हुन नसकेको लामो समय भइसकेको छ । विगतमा पनि महाधिवेशन गर्ने भनेर तिथिमिति समेत तय भएर पनि केन्द्रका साथीहरुले तयारी पुगेन भनेर स्थगित...