Motivate News

विराट कोहलीको कीर्तिमानपछि भारत फाइनलमा, पाकिस्तानसँग उपाधिका लागि भिड्ने

असार २, काठमाडौं – कप्तान विराट कोहली र रोहित शर्माले दोस्रो विकेटका लागि १ सय ७८ रनको अविजित सतकीय साझेदारी गरेपछि भारतले ९ विकेटले बंगलादेशलाई पराजित गर्दै लगातार दोस्रो पल्ट च्याम्पियन्स ट्रफीको फाइनलमा प्रवेश गरेको छ।

डिफेन्डिङ च्याम्पियन भारतको अब फाइनल भिडन्त कट्टर प्रतिद्वन्दी पाकिस्तानसँग हुनेछ। विहिबार दोस्रो सेमिफाइनलमा टस जितेर भारतीय कप्तान विराट कोहलीले बंगलादेशलाई ब्याटिङको निम्तो दिएका थिए।

जसमा भारतीय बलर केदार जाधव र जस्प्रित बुमराहको बलमा असहज महसुस गरेको बंगलादेशले ७ विकेट गुमाएर २ सय ६४ रन बनायो। भुवनेश्वर कुमारको बलमा सुरुमै ३१ रनमा २ विकेट गुमाएको बंगलादेशका लागि तमिम इक्बाल र मुस्फिकर रहिमले तेस्रो विकेटका लागि १ सय २३ रनको साझेदारी गर्दै आफ्नो टोलीलाई राम्रो योगफलतर्फ डोर्याएका थिए।

तमिमले ७० र रहिमले ६१ रन बनाए। यसबाहेक कुनै बंगलादेशी ब्याट्सम्यानले ठोस साझेदारी गर्न सकेनन्। केदारले पहिले तमिम र पछि रहिमलाई आउट गरे। बुमराहले २१ रन बनाएका महमदुल्ला र १५ रन बनाएका मोसादेक होसेनलाई आउट गर्दै थप ठूलो साझेदारी गर्न दिएनन्। पुछारमा कप्तान मसराफे मुर्तजाले अविजित ३३ रन बनाउदै आफ्नो टोलीलाई सम्मानजनक अवस्थामा पुर्याए।

प्रतियोगिताको सबैभन्दा बलियो ब्याटिङ लाइन–अप मानिएको भारतका लागि शिखर धवन र रोहित शर्माले ८७ रनको ठोस साझेदारी गरे। धवन यस प्रतियोगितामा पहिलो पल्ट अर्धसतक पुरा गर्नबाट ४ रनले चुके। उनले ४६ रन बनाए।

यसपछि रोहित शर्मा र कप्तान विराट कोहलीले १ सय ७८ रनको साझेदारी गर्दै आफ्नो टोलीलाई ५९ बल खेल्न बाँकी रहँदा विजय दिलाए। रोहितले अविजित रहँदै १ सय २३ रन बनाए। कप्तान कोहली ९६ रनमा अविजित रहे। कोहलीले सबिर रहमानले ४० दशमलव १ ओभरमा गरेको बललाई चौका प्रहार गर्दै आफ्नो टोलीलाई विजय दिलाएका थिए।

विराटले यही खेलमार्फत एकदिवसीय क्रिकेटमा सबैभन्दा छिटो ८ हजार रन बनाउने कीर्तिमान बनाए। खेलको म्यान अफ दि म्याच रोहित शर्मालाई घोषित गरियो।

प्रतिकृया दिनुहोस्

स्वीडेनद्वारा दक्षिण कोरिया १-० ले पराजित

काठमाडौं – विश्वकप समूह ‘एफ’ को दोस्रो खेलमा स्वीडेनले दक्षिण कोरियालाई हराएको छ । ६५ औं मिनेटमा पाएको पेनाल्टी गोलमा परिणत गर्दै स्वीडेनका कप्तान एन्डे्रस ग्रान्कभिस्टले महत्वपूर्ण तीन अंक जोडे । जर्मनी बेल्जियमसँग स्तब्ध बनेपछि समूह ‘एफ’ का स्वीडेन र दक्षिण कोरिया...

वर्ल्डकप फिभर : कुन नेता देशको कुनसमर्थनमा

जेठ २६, काठमाडौं – विश्वकप फुटबल संसारभर सर्वाधिक हेरिने प्रतियोगिता हो । फुटबलको यो महाकुम्भ सुरु हुन अब ५ दिन मात्र बाँकी छ । विश्वभरबाट छनोट चरण पार गर्दै ३२ देशले रसियामा हुन लागेको विश्वकपमा प्रतिस्पर्धा गर्दै छन् । भौगोलिक रूपमा प्रतियोगितास्थल नेपालबाट झन्डै ५...

अन्नपूर्ण म्याराथनमा नेपाली सेनाका रिमाल प्रथम

जेठ २०, पोखरा – अन्नपूर्ण म्याराथनमा नेपाली सेनाका हरिकुमार रिमाल प्रथम भएका छन् । म्याराथनमा नेपाली सेनाकै पूर्ण तामाङ र होमलाल श्रेष्ठ क्रमशः द्वितीय र तृतीय स्थान हासिल गरे । विश्वकै १० उत्कृष्ट पदमार्गका रुपमा ख्याति कमाएको अन्नपूर्ण चक्रीय पदमार्गअन्तर्गत आईतबार अन्नपूर्ण...

सन्दीप लामिछाने सम्मिलित विश्व –११ टोलीलाई वेस्ट इन्डिजले ७२ रनले हरायो  

जेठ १८, काठमाडौं – अन्तर्रा्ष्ट्रिय क्रिकेट काउन्सिलको विश्व – ११ टोलीलाई मैत्रीपूर्ण टि-ट्वान्टी खेलमा वेस्ट इन्डिजको राष्ट्रिय टोलीले ७२ रनले पराजित गरेको छ । नेपालका युवा स्पिनर सन्दीप लामिछाने सम्मिलित विश्व–११ ले दुई सय रनको विशाल योगफल पछ्याउने क्रममा १ सय २७...