Motivate News

मनमोहन अस्पतालले विज्ञप्ति निकाल्दै भन्यो : विरामीको ज्यान जोगाउन सहमतीमै मृगौला झिकिएको हो !

असार २२ ,काठमाडौं – मनमोहन मेमोरियल मेडिकल कलेजमा पत्थरीको अप्रेसन गर्न आएका नुवाकोट विदुर नगरपालिका–१२ का ३२ वर्षीय शिवप्रसाद रिमालको ज्यान जोगाउन मिर्गौला झिकिएको अस्पताल प्रशासनले जानकारी गराएको छ ।

अस्पतालका प्रशासक रामप्रसाद गजुरेलद्धारा जारि गरिएको प्रेस विज्ञप्तिमा उक्त कुरा उल्लेख गरिएको हो । हिजोका दैनिक पत्रपत्रिका,अनलाईन र सामाजिक सञ्जालमा मनमोहन अस्पतालबारे गलत भ्रम फैलाइएको भन्दै उक्त विज्ञप्ति प्रकाशित गरिएको हो ।

पत्थरीको अप्रेसन गर्न आएका बिरामी रिमालको उपचारका क्रममा अत्याधिक रत्तश्राव भएका कारण मिर्गौला निकालीको अस्पतालद्वारा जारी विज्ञप्तिमा उल्लेख छ ।

मिर्गौलाको २ सेमीको पत्थरीको शल्यक्रिया गरेर निकाल्ने क्रममा रक्तश्राव बढेको अस्पतालले जानकारी गराएको छ । उनको शल्यक्रिया गर्नुपूर्व सिटिस्यान र आईभीयू समेत गरिएको थियो ।

शल्यक्रिया गर्नुपूर्व विरामीका आफ्न्तलाई शल्यक्रिया जटिल रहेको जानकारी गराउँदा उनीहरु शल्यक्रिया गराउन तयार रहेको र उनीहरुको सल्लाहमै शल्यक्रिया गरेको अस्पतालद्वारा जारी विज्ञप्तिमा उल्लेख छ ।

शल्यक्रियाका क्रममा बिरामीको रत्तश्राव नरोकिएपछि रिमालका आफन्तलाई वरिष्ठ न्यूरो सर्जन प्रा. डा. गुणकुमार श्रेष्ठले जानकारी समेत गराएका थिए ।

जानकारी पछि परिवारको सल्लाहमै बिरामीको जिवन रक्षाका लागि मृर्गौला झिकिएको र उक्त मृगौला अस्पतालमा रहेको जानकारी गराइएको छ । मृगौला झिकिएपछि बिरामीका आफ्न्तले अस्पताल प्रशासनसँग राखेका माग पुरा गर्न सहमति भएको र केही सञ्चार माध्यममा आएको समाचार जस्तो कुनै अप्रिय घटना नभएको जारी विज्ञप्तिमा उल्लेख छ ।

 

प्रतिकृया दिनुहोस्

औषधि हाहाकार, २५ भन्दा धेरै जिल्लाका स्वास्थ्य संस्था रित्तै !

काठमाडौँ- अस्पतालमा बिरामीको चाप अत्यधिक छ । तर, निःशुल्क बाँड्ने औषधि छँदै छैन । औषधि आपूर्तिका लागि हार्दिक अनुरोध गरिन्छ। -नरेन्द्रकुमार खनाल, मेडिकल सुपरिन्टेन्डेन्ट टीकापुर अस्पताल टेकुस्थित स्वास्थ्य सेवा विभागको पुनर्जागरण महाशाखामा विभिन्न जिल्लाबाट यस्ता मागपत्र आइरहेका छन् । अभावको सन्देश बोकेर...

भूकम्पमा क्षतिग्रस्त तीन हजार विद्यालय पुनःनिर्माण सकियो

काठमाडौँ – सरकारले भूकम्प गएको तीन वर्षमा तीन हजार ६१३ विद्यालय पुनःनिर्माण गरेको छ । शिक्षा पत्रकार सञ्जाल (इजोन) ले आइतबार आयोजना गरेको ‘भूकम्पबाट भत्किएका विद्यालय पुनःनिर्माणको प्रगति र अबको कार्ययोजना’ अन्तरक्रियामा राष्ट्रिय पुनःनिर्माण प्राधिकरण केन्द्रीय आयोजना कार्यान्वयन इकाई (शिक्षा) का योजना...

शिक्षाका नाममा व्यापार : वार्षिक शुल्कबाटै आठ अर्ब

काठमाडौँ – निजी विद्यालयहरुले वार्षिक (एनुअल) शुल्कबापत अभिभावकसँग बर्सेनि आठ अर्ब रुपैयाँ असुल्दै आएका छन्। निजी विद्यालयहरुको छाता संगठन निजी तथा आवासीय विद्यालय अर्गनाइजेसन नेपाल (प्याब्सन) को तथ्यांकअनुसार हाल देशभर साढे ६ हजार निजी विद्यालय सञ्चालनमा छन्। ती विद्यालयमा १८ लाख बालबालिका...

प्राक्सिसको पुरस्कार वितरण एवम् सांस्कृतिक कार्यक्रम सम्पन्न

काठमाडौँ – काठमाडौँ – चाबहिल चुच्चेपाटीमा रहेको प्राक्सिस इन्टरनेशनल एकेडमीको आयोजनामा पुरस्कार वितरण एवम् सांस्कृतिक कार्यक्रम सम्पन्न भएको छ । शुक्रबार ए वान पार्टी प्यालेस चावहिलमा सम्पन्न कार्यक्रममा विभिन्न विद्यामा उत्कृष्ट तथा अतिरिक्त कृयाकलाप एवम् खेलकुदमा विजेता बन्न सफल विद्यार्थीहरुलाई पुरस्कार वितरण...