Motivate News

कर्मचारीको विदेश भ्रमण रोक्न प्रधानमन्त्रीको मुख्यसचिवलाई निर्देशन

 
असार ३० ,काठमाडौं – प्रधानमन्त्री शेरबहादुर देउवाले सरकारी कर्मचारीको अनावश्यक विदेश भ्रमण रोक्न नवनियुक्त मुख्य सचिवलाई निर्देशन दिएका छन्। यो खबर अर्जुन सुवेदीले आजको नागरिक दैनिकमा लेखेका छन्।

दुई महिनामा सरकारका तीन दर्जनभन्दा बढी सचिवसहित साढे १४ सय कर्मचारी अनावश्यक विदेश भ्रणमा गएको विषयमा समाचार सार्वजनिक भएपछि प्रधानमन्त्री देउवाले अनावश्यक भ्रमण रोक्न मुख्य सचिव क्षेत्रीलाई निर्देशन दिएका हुन्।

प्रधानमन्त्री देउवाले अनावश्यक विदेश भ्रमण रोक्न, कुनै पनि कर्मचारी विदेश भ्रमणमा जाँदा उसको कार्यालयसँग राय सुझाव लिन, भ्रमण मुलुकी प्रशासनको हितमा छ छैन भन्ने तर्फ पनि ध्यान दिन निर्देशन दिएका छन्।

‘प्रधानमन्त्रीले सचिवहरुको विदेश भ्रमण अनावश्यक र असम्बन्धित विषयमा भएको पत्रपत्रिकामा आएपछि त्यसप्रति चासो देखाउनु भएको छ। उहाँले आजै असान्दर्भिक विदेश भ्रमण तत्काल रोक्न मुख्य सचिवलाई निर्देशन दिनु भएकोछ’, प्रधानमन्त्रीका प्रेस संयोजक गोविन्द परियारले भने, ‘नवनियुक्त मुख्य सचिवले सम्बन्धित सचिवहरुलाई यो विषयमा सर्कुलर गरिसक्नु भएको छ।’

सरकारी कर्मचारी अनावश्यक रुपमा राज्यको ढुकुटीको स्रोतबाट विदेश भ्रमणमा गएको नागरिक दैनिकले सार्वजनिक गरेको थियो। ‘त्यसबारे सरकारले अझ छानवीन गर्ने नै छ। तत्कालका लागि दुई सरकार पक्षीय र जानैपर्ने बाहेकका विदेश भ्रमण नगर्न प्रधानमन्त्रीले निर्देशन दिनु भएको छ’, परियारले भने।

मुख्य सचिव क्षेत्रीले आफ्नो पद बहाली कार्यक्रमलाई सम्बोधनबाटै सचिवहरुलाई विदेश भ्रमण नगर्न र आफू मातहतका मन्त्रालयबाट नपठाउन निर्देशन दिएका छन्। बिहीबार बिहान मन्त्रिपरिषद बैठकले क्षेत्रीलाई मुख्य सचिवमा नियुक्त गरेको थियो। आजै दिउँसोदेखि पद सम्हाल्दै उनले सचिवहरुलाई विदेश सयर बन्द गर्न भनेका हुन्।

मुख्य सचिव सोमलाल सुवेदी एशियाली विकास बैंकको वैकल्पिक कार्यकारी निर्देशकको रुपमा फिलिपिन्स जाने भएपछि उनको स्थानमा सरकारले क्षेत्रीलाई नियुक्त गरेको हो।

प्रतिकृया दिनुहोस्

मोटिभेट न्यूजको सेवा सिंहदरबार देखि दुरदराजसम्म, यसरी उत्प्रेरित हुँदैछन दुर्गमका यूवा

काठमाडौँ – सकारात्मक पत्रकारिता मार्फत समाज रुपान्तरणका लागि लागिरहेको डिजिटल पत्रिका मोटिभेट न्यूज डटकमले आफ्नो सेवालाई अंझै वितार गर्ने भएको छ । समाजमा पत्रिका मार्फत सकारात्मक समाचार सम्प्रेषण गर्दै देशभर बृहत उत्प्रेरणातमक कार्यक्रम गर्दै आएको यस पत्रिकाले कालिकोटका दुई स्थानिय तहका यूवाहरुलाई...

चीन भ्रमण उत्साहजनक भइरहेको छ : महासचिव पौडेल

बुटवल, ८ असार – नेपाल कम्युनिष्ट पार्टीका महासचिव विष्णु पौडेलले प्रधानमन्त्री केपी शर्मा ओलीको चीन भ्रमण उत्साहजनक भइरहेको बताउनुभएको छ । आज यहाँ आयोजित कार्यकर्ता भेटघाट कार्यक्रममा उहाँले भन्नुभयो, “अब ढिलोमा सात वर्षमा काठमाडौँमा रेलमार्ग सञ्चालन हुन्छ ।” महासचिव पौडेलले पर्यटन, ऊर्जा,...

नेपालको वायु सेवालाई खतराको सूचीबाट हटाइयोः मन्त्री अधिकारी

काठमाडौँ, ८ असार – संस्कृति, पर्यटन तथा नागरिक उडड्यनमन्त्री रवीन्द्रप्रसाद अधिकारीले अन्तर्राष्ट्रिय नागरिक उड्डयन संगठनले नेपालको वायु सेवालाई खतराको सूचीबाट हटाउन सफल भएको बताउनुभएको छ । प्रतिनिधिसभाको आजको बैठकमा उडान सम्बन्धी समसामयिक विषयमा उठेका जिज्ञासाका सम्बन्धमा उहाँले नेपालको वायु सेवालाई सन् २०१३...

कांग्रेस जिल्ला सभापतिहरूको प्रश्न : ट्रम्प र किम मिल्न सक्ने हाम्रा नेता मिल्न नसक्ने ?

असार ८, काठमाडौं – हेटौँडाको राष्ट्रिय भेलामा कांग्रेस जिल्ला सभापतिहरूले नेतृत्वलाई मिल्न बिहीबार पनि दबाब दिए । भेलाको दोस्रो दिन बोल्ने सभापतिहरूले अमेरिकी राष्ट्रपति डोनाल्ड ट्रम्प र उत्तर कोरियाका नेता किम जोङ उनको सिंगापुर वार्ताको प्रसंगसमेत कोट्याउँदै आफ्ना सभापति शेरबहादुर देउवा र...