Motivate News

रामेछापमा बाढीले पुल र घर बगायो, २ को मृत्यु, ४ बेपत्ता

 

साउन १ ,रामेछाप- भीषण वर्षापछि आएको बाढीले रामेछापमा सवारी तर्ने पुल र दुई घर बगाएको छ । जिल्लाको गोकुलगंगा र लिखु गाउँपालिका भएर बग्ने खिन्ती र छतिवन खोलामा आएको बाढीले घर बगाउँदा २ जनाको मृत्यु भएको छ भने ३ जना हराइरहेका छन् ।

बाढीले घर बगाउँदा छतिवन खोला नजिकै घर भएका कुमार खत्रीकी ७५ वर्षीया आमा लालकुमारी खत्रीको मृत्यु भएको प्रहरीले जनाएको छ । परिवारका अन्य सदस्यले भने भागेर ज्यान जोगाएका छन् ।
प्रहरीका अनुसार, इन्द्रबहादुर खत्रीकाे रोपाइँमा काम गर्न मन्थली नगरपालिका, गेलुबाट आएका वासु भनिने जयप्रकाश कार्कीकाे शव तामाकाेसीकाे हलेदीमा फेला परेकाे छ । खत्रीकाे हराइरहेकी पत्नी भने भेटिएकी छैनन् ।

खिम्ती खोलाको बाढीले घर बगाउँदा अशोक तामाङ र उनकी छोरी बेपत्ता छन् ।

उद्धारका लागि प्रहरी नायव उपरीक्षक कुमोद ढुंगेल नेतृत्वको टोली घटनास्थल पुगेको छ । अहिले प्रहरी, नेपाली सेना र स्थानीयले हराइरहेकाको खोजी र उद्धार गरिरहेका छन् ।

मध्यराति आएको बाढीले छतिवन खोलामाथि भर्खरै निर्माण गरिएको सवारी तर्ने पक्की पुल बगाएको छ । बाढीले सवारी तर्ने पुल बगाएपछि उत्तरी रामेछाप, ओखलढुंगा, सोलु र जिरीसँगको सडक सम्बन्ध विच्छेद भएको छ ।

उता, खानीखोलामा आएको बाढीले पुष्पलाल मार्गको डाइभर्सनमा क्षति पुगेको छ । खहरेको कटानका कारण खिम्ती बजारसमेत जोखिममा परेको छ ।

प्रतिकृया दिनुहोस्

बैतडीका नक्कली हलियाका विषयमा उच्च अदालतले जारी गर्यो कारण देखाऊ आदेश

बैतडी –  कमाई खान मात्र होईन, वास बस्न आफ्ना नाममा एक टुक्रा पनि जमिन नभएका मुक्त हलियालाई सरकारले “क ” वर्गको परिचय पत्र वितरण गरेर पाँच लाखका दरले पुनःस्थापना प्याकेजमा रकम प्रदान गर्ने काम भईरहेको छ । यही प्रक्रियामा नक्कली हलियालाई परिचय...

अन्तर्राष्ट्रिय विमानस्थल साँघुरोः काठमाडौंको विकल्प काभ्रेको ठूलीचौर !

काठमाडौँ – त्रिभुवन अन्तर्राष्ट्रिय विमानस्थलको टर्मिनल भवन २८ वर्ष पुरानो भयो । २० वर्ष सम्म नेपालको हवाई यातायातको चाप थेग्न सक्ने प्रक्षेपण गरिएको थियो । तर ०४७ मा भवन बनेपछि त्यसपछिका सरकार न यसको विकल्प खोज्नतिर लागे, न विमानस्थलको विस्तारमा गम्भीर भए । त्यसैले एउटा...

दिल्ली डेयरडेभिल्सलाई ४ रनले हराउदै पञ्जाब आइपिएलको शीर्षस्थानमा

काठमाडौँ  – किङ्स ११ पञ्जाबले इन्डियन प्रिमियर लिग (आइपिएल) को रोमाञ्चक खेलमा सोमबार दिल्ली डेयरडेभिल्सलाई ४ रनले हराएको छ । पाँचौं जितपछि पञ्जाब शीर्षस्थानमा उक्लेको छ । ६ मध्ये १ खेल गुमाएको पञ्जाबको १० अंक छ । पुछारमा रहेको दिल्लीले ६ मध्ये...

युवा स्वरोजगार कोषले युवालार्इ पाँच लाख सम्म ऋण दिने

काठमाडौँ- युवा स्वरोजगार कोषले युवालाई उद्यम व्यवसाय सञ्चालन गर्नका लागि प्रतिव्यक्ति पाँच लाख सम्म ऋण प्रवाह गर्ने भएको छ । यस अघि प्रतिव्यक्ति दुई लाख दिने गरेको कोषले पाँच लाख सम्म ऋण प्रवाह गर्ने कोषका कार्यकारी उपाध्यक्ष डा प्रेम दंगालले बताए ।...