Motivate News

पेरुसँग बराबरीमा रोकिएपछि,अर्जेन्टिनाको विश्वकप यात्रा कठिन मोडमा

असोज २०,काठमाडौं – विश्व फुटबलको महारथी मानिने टिम अर्जेन्टिना २०१८ को विश्वकपको छनौट यात्रा कठिन मोडमा पुगेको छ ।

शुक्रबार बिहान पेरुसँगको खेलमा गोलरहित बराबरी खेलेपछि विश्व फुटबलका स्टार खेलाडी मेस्सी र उनको टिमको विश्वकप यात्रा जटिल मोडमा पुगेको हो । खेलमा अर्जेन्टिनाले लगातार दबाब बनाए पनि पेरुको रक्षा पंक्ति र गोल रक्षक अर्जेन्टिनाका लागि बाधक बने ।

दक्षिण अमेरिकाको समूहबाट शीर्ष चारमा पर्ने समूह सिधै विश्वकपमा छनौट हुनेछन् भने पाँचौ स्थानमा पर्न सफल टिमले न्यूजिल्याण्डसँग प्ले–अफ म्याच खेल्नु पर्नेछ । एक खेल खेल्न बाँकी रहँदा अर्जेन्टिना समूहको छैठाैँ स्थानमा रहेको छ ।
पाँचाै स्थानमा रहेको पेरुको भने विश्वकपमा छनाैट हुने सम्भावना जीवितै छ । पेरुले अब कोलम्बियासँग अाफ्नो अन्तिम खेल खेल्नेछ ।

अर्जेन्टिनाले अर्को हप्ता इक्वेडरसँग खेल्नेछ । इक्वेडरसँगको खेल जितेर पनि अर्जेन्टिनालाई विश्वकपमा छनौट हुन अरु टिमको खेलमा भर पर्नु पर्दछ ।
त्यस्तै उरुग्वेलाई भेनेजुएलाले गोलरहित बराबरीमा राेकपछि विश्वकपमा छनाैट हुन बाँकी खेलहरु कुर्न पर्ने भएको छ । दोस्रो स्थानमा रहेको उरुग्वेले अाजको खेल जितेकाे भए मात्रै विश्वकपमा छनाैट हुन्थ्यो ।

प्रतिकृया दिनुहोस्

पिएसजीको अपराजित यात्रा कायम, नेइमारलाई रेड कार्ड

  कार्तिक ६, काठमाडौं – फ्रेन्च लिग वान फुटबलमा लिग लिडर पेरिस सेन्ट–जर्मेन (पिएसजी) ले आफ्नो अपराजित यात्रा कायम गरेको छ । लिग अन्तर्गत आइतबार राति भएको खेलमा पिएसजीले मार्सेइलीसँग २–२ को बराबरी खेलको हो । १६ औं मिनेटमा लुइज गुस्तावोले गोल...

सामुद्री आँधीका कारण नेपाल र हङकङबिचको आज हुने भनेको खेल सर्‍यो

  असोज २९, काठमाडौँ – आइसिसी विश्व क्रिकेट लिग च्याम्पियनसिप अन्तर्गत नेपाल र हङकङबिचको दोश्रो खेल सोमबारका लागि सरेको छ । हङकङ्ग क्रिकेटको आधिकारिक ट्वीटर ह्याण्डलका अनुसार आइतबार हुने तय भएको खेल सामुद्री आँधीका कारण सोमबारका लागि सारिएको हो । यसअघि शुक्रबार...

विश्व क्रिकेट लिग च्याम्पियनसिप : नेपाललाई हङकङले दियो १९५ रनको लक्ष्य

  असोज २७,काठमाडौं – आइसिसी विश्व क्रिकेट लिग च्याम्पियनसिपमा हङकङले नेपालसामु १९५ रनको लक्ष्य प्रस्तुत गरेको छ । टस हारेर ब्याटिङको निम्तो पाएको हङकङले ५० ओभरमा सबै विकेट गुमाउँदै १९४ रन बनाएको हो । हङकङका लागि जेके एटकिन्सनले सर्वाधिक ७६ रनको योगदान...

विश्व क्रिकेट लिग च्याम्पियनसिपमा नेपाल र हङकङविच खेल हुदै, छनोट हुन नेपाललाई आजको खेल जित्नैपर्ने दवाब

असोज २७,काठमाडौँ – आइसीसी वर्ल्ड क्रिकेट लिग च्याम्पियनसीपमा नेपालले आज हङकङको सामना गर्दै छ । अहिले केही समयपछि खेल हुदै छ । खेल ङकङको मिसन ग्राउण्ड रोडस्थित मोङ कोकमा केही समयपछि हुँदैछ।आजको खेलमा नेपालका भरर्दा ८ टिम सम्मिलित च्याम्पियनसीपको शीर्ष चारमा अटाउँदै...