Motivate News

मंसिरमा हुने निर्वाचनका लागि ९८ हजार म्यादी प्रहरीको लागी भर्ना खुल्यो । आजदेखि आवेदन दिन सकिने

असोज २४, काठमाडौं –  मंसिरमा हुने प्रदेश र प्रतिनिधि सभा सदस्यको निर्वाचनका लागि ९८ हजार म्यादी प्रहरीको लागी भर्ना आवेदन खुलेको छ । मंसिर १० र २१ गते हुने भनिएको चुनावका लागि सुरक्षा नेपाल प्रहरीको मानव स्रोत विकास विभागले म्यादी प्रहरी भर्ना आवेदन खुलाएको हो ।

विभागका अनुसार इच्छुक र योग्यता पुगेका व्यक्तिले आजदेखि आवेदन दिन सक्नेछन् । इच्छुक व्यक्तिले आउँदो ३० गते बेलुका ५ बजेसम्म आवेदन दिन सक्ने विभागले जनाएको छ । दस रुपैयाँको टिकट टासी निवेदन काठमाडौं, भक्तपुर, ललितपुरका प्रहरी परिसर र ७२ वटै जिल्लाका जिल्ला प्रहरी कार्यालयमा निवेदन दिन सक्नेछन् ।
नैतिक पतन देखिने फौजदारी अभियोगमा कसुरदार नठहरिएको, कुनै राजनीतिक दलको सदस्य नरहेको, शारीरिक तथा मानसिक रुपले तन्दुरुस्त रहेका र साधारण लेखपढ गर्न सक्ने १८ वर्ष पुगेको र ५४ बर्ष ननाघेको नेपाली नागरिक आवेदनका निम्ती योग्य हुनेछन् । चुनावमा खटिने म्यादी प्रहरीको कार्यावधि ५५ दिनको हुनेछ ।
उनीहरुले प्रहरी जवान सरह आधारभूत तलब १७ हजार २ सय ३० रुपैयाँका दरले ५५ दिनका लागि पारिश्रमिक, राशन र स्थानीय भत्ता पाउने छन् । ड्यूटीमा खटिने म्यादी प्रहरीलाई ७ दिनको लागि प्रतिदिन २५० रुपैयाँको दरले विशेष भत्ता र सात दिनकै लागि प्रतिदिन २५० रुपैयाँ खाजा र खाना खर्च उपलब्ध गराइने छ ।

प्रतिकृया दिनुहोस्

पिएसजीको अपराजित यात्रा कायम, नेइमारलाई रेड कार्ड

  कार्तिक ६, काठमाडौं – फ्रेन्च लिग वान फुटबलमा लिग लिडर पेरिस सेन्ट–जर्मेन (पिएसजी) ले आफ्नो अपराजित यात्रा कायम गरेको छ । लिग अन्तर्गत आइतबार राति भएको खेलमा पिएसजीले मार्सेइलीसँग २–२ को बराबरी खेलको हो । १६ औं मिनेटमा लुइज गुस्तावोले गोल...

उपत्यकामा १० वर्ष मेडिकल कलेज खाेल्न नपाइने

  कार्तिक ६, काठमाडौं -सरकारले १० वर्षसम्म काठमाडौं उपत्यकाभित्र मेडिकल कलेज खोल्न नपाउने गरी अध्यादेश ल्याउन लागेको छ । डा. गोविन्द केसीको १३ आै अनशन टुंग्याउन गरेको सहमतिअनुसार सरकारले अध्यादेशबाट राष्ट्रिय चिकित्सा शिक्षा विधेयक ल्याउन लागेको हो ।अाजकाे कान्तिपुरमा खबर छापिएकाे छ...

जाजरकोटमा पूर्व गृहमन्त्री बस्नेत विरुद्ध बागी उम्मेदवार

  कार्तिक ६,जाजरकोट – केन्द्रमा शिर्ष नेताहरुले गरेको सहमति जिल्लामा कार्यान्वयन नभएपछि जाजरकोटमा वाम गठवन्धन अप्ठेरोमा परेको छ। माओवादी केन्द्र र एमालेको गठवन्धनको सहमति अनुसार भएको प्रतिनिधिसभा र प्रदेशसभामा सीट वाँढफाँढको तालमेल जिल्लास्तरमा कार्यन्वयन नभएपछि गठवन्धन अप्ठेरोमा परेको हो । आइतबारसँगै उम्मेदवारी...

नेपाल संवत् ११३८ आज देशभर विविध कार्यक्रम गरी मनाइँदै

कात्तिक ३, काठमाडौँ – नेपाल संवत् ११३८ आज देशभर विविध कार्यक्रम गरी मनाइँदैछ । यस संवत्लाई हाल नेवार समुदायले नयाँ वर्षका रुपमा मनाउने गरेका छन् । राष्ट्रिय विभूति शंखधर साख्वाले विसं ९३७ (इ सं ८८०) मा गरीब जनताको ऋण मोचन गरी नेपाल...