Motivate News

यसरी जितेका थिए रामहरीले ओखलढुंगाका जनताको मन, के फेरी चुनाव जित्लान ?

काठमाडौं – आगामी मंसिर १० गते ३२ जिल्लाका ३७ निर्वाचन क्षेत्रमा हुने प्रदेश र प्रतिनिधिसभाको पहिलो चरणको निर्वाचनमा ओखलढुंगाको निर्वाचन निकै रोचक हुने देखिएको छ । प्रतिनिधिसभाको लागि एउटा मात्रै निर्वाचन क्षेत्र रहेको ओखलढुंगामा नेपाली काँग्रेसका लोकप्रिय यूवा नेता रामहरि खतिवडा र एमालेबाट यज्ञराज सुनुवार मुख्य चुनाबी प्रतिस्पर्धीका रुपमा रहेका छन् ।

रामहरि र यज्ञराज दुबै जना चर्चित युवा नेता हुन । काँग्रेस नेता रामहरी खतिवडाले अघिल्लो संसदको कार्यकालमा ओखलढुंगा र समग्र देशकै लागि खेलेको भुमिकाका कारण बाम गठबन्धन नै भएपनि त्यसलाई चुनौति दिन सक्ने क्षमता छ खतिवडासंग । अरु कुरामा प्रतिशपर्धा गर्ने तर जिल्लाको विकासको हकमा जाति र पार्टीबाट माथि उठ्नुपर्छ भन्ने उनको विचारले धेरैलाई आकर्षित गरेको छ ।
आफ्नै पार्टीको पनि नराम्रो कुराको विरोध गर्ने र जनताको सवालमा संसदमा खरो रुपमा संसद अवधि भरिनै प्रस्तुत भएका कारण विपक्षी पार्टीकै पनि मन जित्न सफल रहे उनी ।

यस पटकपनि आफ्नो चुनाबी मावल असाध्यै राम्रो भएको रामहरि बताउँछन् । आफ्नो निर्वाचन क्षेत्रमा बाम तालमेलको कुनै असर नदेखिएको उनको भनाइ छ । आफूले जनताको काम गरेकाले आफैले चुनाब जित्ने उनको दाबी छ । आफू गएको ठाँउमा एमाले र माओबादी हुदै नभएको जस्तो देखिएको उनले बताए ।

खतिवडाले भने, ‘पहिलो पटक सांसदमा निर्वाचित भएपछिको साढे ३ बर्षे कार्यकालमा म ११३ पटक ओखलढुंगा जाने र आउने काम गरें । म नपुगेको कुनै गाँउ नै छैन । एउटै गाँउमा ६÷७ पटकसम्म पुगेँ । जनतालाई जनप्रतिनिधि भएको अनुभूति दिएँ । यतिमात्रै होइन, लिखू, दुधकोसी र मोलुङ करिडोरका सडक निर्माणमा नेतृत्वदायी भूमिका निर्वाह गरेँ । साँघुटार घोराखोरी हुँदै ओखलढुंगासम्म जाने सडक कालोपत्रे गर्ने प्रक्रिया सुरु गरियो । नबलपुर, कोसहाट ककनी सडकमा २५ करोड रुपैयाँ बजेटमा सडक निर्माण हुँदैछ । ९ करोड रुपैयाँमा सुनकोसीमा पुल निर्माण भइरहेको छ ।

यो जिल्ला भूकम्प प्रभावित जिल्ला हो । खतिवडाले आफ्नै खर्चमा हेलिकप्टरबाट भुकम्प पिडितलाई राहत रकम घरैमा पुर्याएका थिए भने सांसद बापत प्राप्त हुने सम्पूर्ण तलव भक्तासमेत जिल्लाकै विकास निर्माणमा खर्चिएका थिए । एकिकृत सेवा केन्द्र स्थापना गरेर गाउमै पासपोर्ट, नागरिकता, जग्गाधनी प्रमाणपूर्जा जस्ता आधारभूत सेवा दिने काम गर्नाका साथै अपांगता भएका ब्यक्तिहरुलाई घरमै गएर परिचयपत्र दिने ब्यवस्था उनकै पहलमा मिलाइएको थियो ।

निर्वाचन जिते यस्तो उनको भावि योजना..

खतिवडाले मोटिभेटसंग कुरा गर्दै आगामी योजना यसरी सुनाए, ‘लिखु ४ जलविद्युत योजना सुरु हुदैछ । दुधकोशीबाट विद्युत उत्पादन गरेर उज्यालो ओखलढुंगा बनाउनको लागि १ अर्ब ४३ करोड रुपैयाँ बजेट छुट्टिएको छ । त्यसलाई उच्च महत्वका साथ अगाडि बढाँउछु । दुधकोशी करिडोरको बाटो सोलूसम्म जोड्छु । मोलुङ करिडोरको बाटो माथिसम्म लान्छु । लिखु करिडोरको बाटो सिरिसेसम्म पुर्याउछु । सिरिसेको पुल चाढै निर्माण सक्न पहल गर्नेछु । जनताका आधारभूत सेवा जनताले आफ्नै ठाउँमा पाउने गरी ब्यवस्था मिलाउछु । कृषिको आधुनिकीकरण गरी युवालाई बिदेश जाने क्रम रोक्न पहल गर्छु ।’

यस्तो छ अघिल्ला निर्वाचनको तथ्यांक..

ओखलढुंगा जिल्लाको हकमा दुइटा निर्वाचनको तथ्यांकलाई हेरेर विश्लेषण गर्न पाइने सुबिधा छ । २०७० को संबिधानसभा निर्वाचनमा २ निर्वाचन क्षेत्र रहेको सो जिल्लामा प्रतिनिधिसभा निर्वाचनको लागि एउटा मात्रै क्षेत्र छ । त्यसकारण सो निर्वाचनको तथ्यांक अहिलेको लागि पनि उपयोगी हुन सक्छ । यस्तै २०७४ को स्थानीय तह निर्वाचनको तथ्यांकका आधारमा पनि विश्लेषण गर्न सकिन्छ ।

यी दुबै निर्वाचनको तथ्यांक हेर्दा लोकतान्त्रिक गठबन्धका रामहरि र बाम गठबन्धका यज्ञराजको कडा प्रतिस्पर्धा हुने देखिन्छ ।

गत संबिधानसभा निर्वाचनमा एमालेले क्षेत्र नम्बर १ बाट १२ हजार ९४३ र क्षेत्र नम्बर २ बाट ८ हजार ५१० गरी २१ हजार ४५३ मत पाएको थियो । माओबादीले दुबै क्षेत्रबाट गरी ६ हजार ५९९ मत पाएको थियो । एमाले र माओबादी दुबैको मत जोड्दा २८ हजार ५२ मत हुन्छ ।

एमाले र माओबादीको मत जोड्दा पनि काँग्रेस धेरै पछाडि छैन । काँग्रेसले क्षेत्र नम्बर १ बाट ९ हजार ९४३ र क्षेत्र नम्बर २ बाट १३ हजार ९०४ मत पाएको थियो । दुबै क्षेत्रबाट गरी काँग्रेसको मत २३ हजार ८४७ मत थियो । २०७० को संबिधासभा निर्वाचनको तथ्यांक हेर्दा बाम गठबन्धनभन्दा काँग्रेस गठबन्धन करिब ४२ सय मतले अगाडि छ ।

गत स्थानीय तह निर्वाचनको तथ्यांक पनि हेरौं । स्थानीय तह निर्वाचनमा काँग्रेस एक्लैको मत २६ हजार १०५ थियो भने एमाले र माओबादीको गरी ३४ हजार १३१ मत थियो । यो तथ्यांकको आधारमा बाम गठबन्धन काँग्रेसभन्दा करिब ८ हजार मतले अगाडि छ ।
तर, विगतको तथ्यांकको आधारमा मात्रै यसले चुनाब जित्छ भन्न सकिँदैन । किनभने २०६४ को पहिलो संबिधानसभा निर्वाचन अगाडि ओखलढुंगामा माओबादी थिएन । तर, २०६४ को संबिधानसभा निर्वाचनमा दुबै क्षेत्र माओबादीले जित्यो । फेरि २०७० को संबिधानसभा निर्वाचनमा माओबादीले ओखलढुंगामा जम्मा ६ हजार ५९९ मत मात्रै पायो । यद्येपी अघिल्ला निर्वाचनको मतपरिणाम मुल्याकंनको एउटा आधार मात्र हुन सक्छ मुख्य आधार चाही उमेद्वारको व्यक्तित्व, उसले विगतमा खेलेको भुमिकाले नै मत विभाजनमा महत्वपूर्ण अर्थ राख्दछ । जनताका हरेक समस्या समाधानमा सारथी बनेका र राष्ट्रिय राजनितिमा पनि आशालाग्लो नेताका रुपमा उदाउँदै गरेका रामहरी खतिवडाले यसपटक पनि ओखलढंगाका जनताको मन जितेर विजयीको माला लगाउँन सक्छन् ।

प्रतिकृया दिनुहोस्

देउवा नेतृत्वको सरकारले नियुक्त गरेका पदाधिकारीलाई पदमुक्त गर्न मिल्दैन :सर्वोच्च

साउन २,काठमाडौं – सर्वोच्च अदालतले शेरबहादुर देउवा नेतृत्वको सरकारले नियुक्त गरेका सरकारी पदाधिकारीलाई वर्तमान सरकारले पदमुक्त गर्न नमिल्ने आदेश दिएको छ । निक्षेप तथा कर्जा सुरक्षण कोषका प्रमुख कार्यकारी अधिकृत विष्णुबाबु मिश्रले दायर गरेको रिटमा सुनुवाई गर्दै अदालतले देउवा सरकारले निर्वाचन आयोगको...

जीप दुर्घटना : ७ को ज्यान गयो, घाइतेलाई हेलिकोप्टरबाट अस्पताल लगिँदै

साउन २, रुकुम पूर्व – सिस्ने गाउँपालिका–५, धारापानीमा जीप दुर्घटनामा ज्यान गुमाएका ६ जनाको सनाखत भएको छ । सिस्ने गाउँपालिकाको रुकुमकोटबाट धौलापैरा भन्ने ठाउँमा जाँदै गरेको लु १ ज २५७३ नम्बरको जीप बुधबार करिब दिउँसो २ बजे धार्पानीमा दुर्घटना हुँदा ७ जनाको...

शक्ति गौचनद्वारा अन्तराष्ट्रिय क्रिकेटबाट सन्यासको घोषणा

साउन २, काठमाडौं – नेपाली राष्ट्रिय क्रिकेट टिमका भेट्रान खेलाडी शक्ति गौचनले अन्तराष्ट्रिय क्रिकेटबाट सन्यासको घोषणा गरेका छन । उनले नेदरल्याण्डस्विरुद्ध हुने पहिलो एकदिवसीय श्रृङ्खला करियरको अन्तिम खेल हुने बताए । लर्ड्समा हुने एमसीसी र नेदरल्याण्डस् सम्मिलित त्रिकोणात्मक श्रृङ्खला र नेदरल्याण्डस् विरुद्धको...

पहिरोमा एक किशोर बेपत्ता, एक दर्जन परिवार विस्थापित

फलेवास, पर्वत, २ साउन – गएरातिदेखि परेको अविरल वर्षाका कारण पर्वतको जलजला गाउँपालिका–८, लस्ती बेरनेटामा एक किशोर बेपत्ता भएका छन् । राति अन्दाजी १ बजेको समयमा स्थानीय बमबहादुर परियारको ढुंगा माटोले बनेको टिनले छाएको एकतले कच्ची घरको माथिबाट आएको पहिरोले घर बगाउँदा...