Motivate News

बार्सिलोना गोलरहित बराबरीमा रोकियो

मंसिर ७, काठमाडौं – स्पेनिस ला लिगा लिडर बार्सिलोना च्याम्पियन्स लिग फुटबलको अन्तिम १६ मा पुगेको छ । समूह चरण अन्तर्गत बुधबार राति भएको खेलमा बार्सिलोना इटालियन सिरी ए क्लब युभेन्टससँग गोलरहित बराबरी रोकिए पनि नकआउट चरण स्थान बनाउन सफल भएको हो । युभेन्टससँगको खेलमा केही समय मात्रै मैदानमा रहेका स्टार स्ट्राइकर लियोनल मेस्सी बेन्चमा बसेर खेल हेरेका थिए ।

गोल गर्ने केही राम्रा अवसर बनाए पनि इटालियन जाइन्ट युभेन्टसले क्याटलान जाइन्ट बार्सिलोनालाई गोल गर्ने मौका भने दिएन । च्याम्पियन्स लिगको समूह चरणमा बार्सिलोनाले लगातार दोस्रो पटक गोलरहित बराबरी खेलेको हो । यसअघि ओलम्पियाकोससँगको खेलमा पनि बार्सिलोना गोलरहित बराबरीमा रोकिएको थियो । त्यो खेल पछिल्लो पाँच वर्षमा बार्सिलोनाले च्याम्पियन्स लिगको समूह चरणमा गोल गर्न नसकेको पहिलो खेल थियो ।

बार्सिलोनाले अवे मैदानमा राम्रो प्रदर्शन गरे पनि गोल भने गर्न सकेन । गएको सिजन च्याम्पियन्स लिगकै क्वाटरफाइनलको पहिलो लेगमा बार्सिलोना युभेन्टसको मैदानमा ३–० ले पराजित भएको थियो । तर यसपटक भने खेल आफ्नो नियन्त्रणमा राख्न त सफल भयो तर गोल भने भएन । गोलरहित बराबरीपछि पनि बार्सिलोना समूह ‘डी’ को विजेता बन्ने सम्भावना बलियो छ । उसको पाँच खेलबाट ११ अंक भएको छ भने युभेन्टसको ८ अंक छ । समूह ‘डी’ अन्तर्गत राति नै भएको अर्को खेलमा स्पोर्टिङले ओलम्पियाकोसलाई ३–१ ले हरायो ।

प्रतिकृया दिनुहोस्

विश्वकपको फाइनल आज : क्रोएसिया र फ्रान्समा कसले उचाल्ला उपाधि ?

असार ३१, काठमाडौं – रुसमा जारी सन् २०१८ विश्वकपको फाइनल आज हुँदैछ । नेपाली समय अनुसार राति पौने ९ बजे  फ्रान्स र क्रोएसियाबीच मस्कोको लुज्हनिकी रंगशलामा फाइनल खेल हुँदैछ । क्रोएसिया विश्वकप फाइनलमा पहिलो पटक उपाधि चुमेर इतिहास रच्ने लक्ष्यमा रहेको छ भने...

रोनाल्डोले रियल म्याड्रिड छोडेसंगै ब्राजिलियन स्टार नेयमारलाई भित्राउनका लागि प्रयास गर्दै रियल

काठमाडौं – रियल म्याड्रिडले ब्राजिलियन स्टार नेयमारलाई भित्राउनका लागि प्रयास सुरु गर्ने भएको छ । नेयमार गत सिजन मात्र विश्व कीर्तिमानी रकममा अर्को चर्चित स्पेनिस क्लब बार्सिलोनाबाट पेरिस सेन्ट जर्मेन (पिएसजी) पुगेका थिए । नेयमार भित्राउने प्रयासका लागि क्लबले आफ्ना सबैभन्दा उत्कृष्ट प्रतिनिधि...

भारतसँगको दोस्रो एकदिवसीय क्रिकेटमा इंग्ल्याण्ड ८६ रनले विजयी

असार ३१, काठमाडौं – भारतसँगको दोस्रो एकदिवसीय क्रिकेटमा इंग्ल्याण्ड ८६ रनले विजयी भएको छ । इंग्ल्याण्डमा शनिबार राति भएको खेलमा ३ सय २३ रनको लक्ष पछ्याएको भारतलाई ५० ओभरमा २ सय ३६ रनमा अलआउट गर्दैै इंग्ल्याण्ड विजयी भयो । भारतका शुरेश रैनाले...

इंग्ल्याण्डलाई २–० गोल अन्तरले हराउँदै बेल्जियम विश्वकप फुटबलमा तेस्रो

असार ३१, काठमाडौं – इंग्ल्याण्डलाई हराउँदै बेल्जियम विश्वकप फुटबलमा तेस्रो बनेको छ । शनिबार भएको खेलमा बेल्जियमले इंग्ल्याण्डलाई २–० गोल अन्तरले हराएको हो । सेन्ट पिटर्सबर्गमा भएको खेलमा बेल्जियमले चौथो मिनेटमा नै थोमस मुनिरको गोलबाट अगता लिएको थियो । प्रभावशाली प्रदर्शन गरेका इडेन...