Motivate News

नेइमार र काभानीको गोलले मोनाकोलाई २–१ ले पन्छाउँदै पिएसजीले अग्रता ९ अंकमा पुर्यायो 

 

मंसिर ११, काठमाडौं – लिग लिडर पेरिस सेन्ट–जर्मेन (पिएसजी) ले फ्रेन्च लिग वान फुटबलमा ९ अंकको अग्रता लिएको छ। आइतबार राति मोनाकोलाई २–१ ले पन्छाउँदै पिएसजीले दोस्रो स्थानको लियोनसँगको अंक दूरी ९ मा पुर्‍याएको हो।
पिएसजीलाई जिताउन नेइमार र एडिसन काभानीले गोल गरे। मोनाकोका लागि जोएओ माउटिन्होले एक गोल फर्काए।

खेलको १९ औं मिनेटमा काभानीको गोलबाट पिएसजीले पहिलो हाफमा १–० को अग्रता लियो। दोस्रो हाफको ५२ औं मिनेटमा नेइमारले गोल गर्दै खेललाई २-० मा पुर्‍याए। उनले पेनाल्टीको अवसरलाई सदुपयोग गर्दै पिएसजीका लागि गोल गरेका थिए। खेल सकिन ९ मिनेट बाँकी हुँदा माउटिन्होले मोनाकोका लागि एक गोल फर्काए पनि हार जोगाउन पर्याप्त भएन।

यो जितपछि पिएसजीको १४ खेलबाट ३८ अंक भएको छ। दोस्रो स्थानको लियोनको २९ अंक छ। पिएसजीसँग पराजित मोनाकोको २९ अंक सहित तेस्रो स्थानमा छ। यस्तै समान खेलबाट मार्सेलो २८ अंकसहित अंक तालिकाको चौथो स्थानमा छ। २३ अंकसहित नान्टेस पाँचौ स्थानमा छ।

प्रतिकृया दिनुहोस्

फिफा क्लब वर्ड कपको उपाधि रियल मड्रिडले जित्यो

काठमाडौं– फिफा क्लब वर्ड कपको उपाधि रियल मड्रिडले जितेको छ । गयराति दुवैमा भएको प्रतिस्पर्धात्मक खेलमा ब्राजिललको क्लब ग्रेमियोमाथि १ शुन्यको संघर्षपुर्ण जित निकाल्दै स्पेनिस क्लब रियल मड्रिडले जित निकालेको हो । पहिलो हाफ गोल रहित बराबरीमा सकिए पनि दोश्रो हाफको १३...

पिएसजीको पहिलो हार, बार्यन म्यूनिख ३ – १ ले विजयी

मंसिर २० ,काठमाडौं – च्याम्पियन्स लिगमा पेरिस सेन्ट जर्मेन पिएसजीले पहिलो हार बेहोरेको छ  । गयराति भएको खेलमा लगातार शतप्रतिशत नजिता हासिल गर्दै आएको पिएसजीको हारमा जर्मन क्लब बार्यन म्यूनिख बाधक बन्यो । जारी सिजनमा बार्यनले पहिलोपटक पिएसजीलाई हराउने क्रममा ३ एकको...

रियल मड्रिड एथ्लेटिक विल्वाओसँग गोलरहित बराबरीमा रोकियो

  मंसिर १७, काठमाडौं – कप्तान सर्गियो रामोसले रातो कार्ड पाएको खेलमा रियल मड्रिडले एथ्लेटिक विल्वाओसँग गोलरहित बराबरी खेल्दै ला लिगामा अंक बाँडेको छ। यता खेल सकिन तीन मिनेट अगाडि एन्टोनी ग्रीजमनले गोल गरेपछि रियल सोसिडाडमाथि कमब्याक विन हात पारेको एथ्लेटिको मड्रिड...

बार्सिलोनाद्वारा रियल मुर्सियामाथि ५–० को शानदार जित

मंसिर १४,काठमाडौं – बार्सिलोना स्पेनिस कोपा डेल रे फुटबलको अन्तिम १६ मा प्रवेश गरेको छ । अन्तिम ३२ अन्तर्गत बुधबार राति भएको दोस्रो लेगमा रियल मुर्सियामाथि ५–० को शानदार जित निकाल्दै समग्रमा ८–० को जितसहित अन्तिम १६ मा स्थान बनाएको हो ।...