Motivate News

उपेन्द्र महतो कर छली प्रकरणमा तानिंदै

७६ अर्बको कारोबार लुकाएको देखियो

मंसिर १३, काठमाडौं – एनसेलका नाममा भइरहेको कर छली प्रकरणमा गैरआवासीय नेपाली संघका संस्थापक अध्यक्ष उपेन्द्र महतो तानिने भएका छन् । १ खर्ब ४४ अर्ब रुपियाँ बराबरमा एनसेल बेच्दा पुँजीगत लाभकर नतिरेको भन्दै स्वीडेनको टेलियासोनेराका नाममा ६२ अर्ब रुपियाँ कर निर्धारण भएको छ । त्यसैगरी २० प्रतिशत सेयर स्वामित्व रहेका निरजगोविन्द श्रेष्ठले आफ्नो नामको सेयर बेच्दा समेत त्यही कर छलेको भन्दै सरकारले पुनः कर निर्धारण गरेको छ । यी सबै प्रकरणमा कर छली हुनुमा महतोको हात रहेको पाइएपछि सरकारले उनलाई समेत तान्ने भएको हो ।

महतोले आफ्नो नामको सेयर बेच्दा नै न्यून मूल्यांकन गरी पुँजीगत लाभकर छलेको विवरण सरकारले प्राप्त गरेको छ । विवरण अनुसार महतो स्वामित्वको कजाखस्तानको डेल्टा ट्रेड नामको कम्पनी समेतको सेयर टेलियाले किन्दा १ अर्ब १२ करोड रुपियाँ बराबरमा बेचेको देखाइएको छ । जबकि टेलियाले सोही कारोबारमा ७८ अर्ब रुपियाँ खर्च देखाएको छ । महतोले बेच्दा १ अर्ब १२ करोड देखाएको र टेलियाले किन्दा चाहिँ ७८ अर्ब खर्च देखाउनुको खासियत स्पष्ट छ, पुँजीगत लाभकर छल्ने । ७६ अर्ब ८८ करोड रुपियाँको कारोबार उनले लुकाएका छन् । टेलिया र एक्जियटा मिलेर यो वास्तविक कारोबारको आँकडा बाहिर आउने भएपछि महतोको थाप्लोमा ठूलो रकम आइ पर्ने निश्चित भएको छ । किनभने अब महतोका नाममा कर निर्धारण हुँदा साँवा रकममा आज सम्मको ब्याज, जरिवाना सबै जोडिन्छ ।
नेपाल समाचारपत्रबाट

प्रतिकृया दिनुहोस्

ललितपुर महानगरपालिकाको बजेट चार अर्ब ६० करोड

असार ३२,ललितपुर-  ललितपुर महानगरपालिकाले आर्थिक वर्ष २०७५/७६ का लागि  चार अर्ब ६० करोड ७२ लाख ८७ हजारको बजेट सार्वजनिक गरेको छ । महानगरपालिकाले आज कार्यालय परिसरमा आयोजना गरेको कार्यक्रममा महानगर प्रमुख चिरीबाबु महर्जनले दोस्रो नगरसभाबाट पारित बजेट सार्वजनिक गरेका हुन् । महानगरपालिकाको...

नेपाल टेलिकमको मनसुन अफर,२५ देखि ५० प्रतिशत सम्म बोनस उपलब्ध

असार ३१,काठमाडौं – नेपाल टेलिकमले मनसुन अफरको रुपमा विभिन्न प्याकेजहरु उपलब्ध गराउने भएको छ । सो अफर आगामी साउन १ गते देखि लागू टेलिकमले जनाएको छ । नेपाल सरकारले आगामी साउन १ गते देखि नै लागू हुने गरी भ्वाइस सेवामा टेलिकम सेवा...

आज शेयर बजारमा सकारात्मक प्रभाव, बढ्यो आठ अंकले

असार ३१, काठमाडौं – बीमा, होटल, जलविद्युत् र उत्पादन समूहको शेयर कारोवार उकालो लागेपछि आज शेयर बजारमा सकारात्मक प्रभाव परेको छ । नेपाल स्टक एक्सचेन्जका अनुसार आज शेयर मापक नेप्से परिसूचक ८.११ बिन्दुले बढेर एक हजार २०० बिन्दुमा पुगेको छ । यस्तै...

शेयर बजारः दुई अर्ब बढीको कारोबार

काठमाडौँ, ३० असार – धितोपत्र बजारमा यस साता रु दुई अर्ब ११ करोड ८८ लाख आठ हजार बराबरको शेयर कारोबार भएको छ । नेपाल स्टक एक्सचेञ्जकाअनुसार कूल १९१ कम्पनीको ६१ लाख १२ हजार ३७० कित्ता शेयर खरिद बिक्री भएका छन् । कारोबार...