Motivate News

जनतामाथिको पीडा र अन्याय देख्दा ममाथिको अन्याय सामान्य रहेछ : नवराज सिलवाल

ललितपूर – प्रतिनिधिसभा निर्वाचनका लागि ललितपूर जिल्ला निर्वाचन क्षेत्र नं १ का उम्मेदवार एवम् नेपाल प्रहरीका पूर्व डीआइजी नवराज सिलवालले विगतमा आफूलाई प्रहरी प्रमूख बन्न नदिने विपक्षी शक्तिहरुप्रति धन्यवाद ज्ञापन गरेका छन् । निर्वाचनको मिति नजिकिदै गर्दा सिलवालले उम्मेदवार भएर ललितपूरवासी मतदाताको घरदैलोमा जाँदा नै उनीहरुको दुख र पीडासँग साक्षात्कार गर्ने अवसर पाएको भन्दै खुसी व्यक्त गरे।

‘‘दक्षिण ललितपूरवासी जनताको दुख र समस्याको अगाडी ममाथिको अन्याय केही पनि होइन।’’ सिलवालले भने, ‘‘विगतदेखि नै ललितपुरवासी जनता अनेक दुख,पीडा अनि अन्यायबाट पिल्सिदै आएका छन् ,त्यस्ता अन्याय र दुखको अगाडी ममाथि सरकारले गरेको अन्याय धेरै सानो हो,त्यही अन्यायले गर्दा मलाई जनताको घरदैलोमा पुर्याएको छ,त्यसैकारण म शेरबहादुर देउवा लगायतका मेरा विपक्षीहरुप्रती हार्दिक धन्यवाद ज्ञापन गर्न चाहान्छु।’’

लामो समयसम्म प्रहरी सेवामा रहेर काम गरेका सिलवालले अब आफू एक जनप्रतिनिधि र जनताको सिपाही भएर जनताकै हक र अधिकारको लागि सदैव लागिपर्ने प्रतिबद्धता व्यक्त गरे। यसघि चुनाव जितेर गएका नेताले आफ्नो क्षेत्रको विकासमा ध्यान नदिएर मतदाताको भावना र विश्वासलाई लत्याएको र सिन्को पनि नभाँचेको कारणले गर्दा मतदाताहरुले एक असल नेताको विकल्प खोजेको र त्यही विकल्प आफूमा रहेको विश्वास जनताले घरदैलोको क्रममा गरेको सिलवालले बताए । साथै आफूले चुनाव जित्नेमा सतप्रतिशत ढुक्क रहेको दावी गर्दै उनले निर्वाचनपश्चात बाम गठबन्धनको दुईतिहाई बहुमतको सरकार बन्ने त त्यही सरकारले सँविधानको सफल कार्यान्वयन गर्दै लोकतान्त्रिक गणतन्त्रलाई संस्थागत गर्न सफल हुने प्रतिबद्धता व्यक्त गरे।

कुनै पद र कुर्सीको लोभ गरेर आफू राजनीतिमा नआएको पनि सिलवालले बताएका छन्। आफ्नो व्यक्तिगत हक र अधिकार भन्दा पनि जनताको हकअधिकारको लागि र जनतामाथि भएको अन्यायकै विरुद्दमा लड्ने भन्दै उनले आफूले जितेपछि ललितपुरको विकासमा ऐतिहासिक कायापलट आउने दावी गरे ।

प्रतिकृया दिनुहोस्

मन्त्री बन्दै रामवीर, सहरी विकासमा चर्चा

काठमाडौं – प्रतिनिधी सभामा वाम गठबन्धनले स्पष्ट बहुमत पाएसंगै नयाँ सरकार नेतृत्व नेकपा एमालेका अध्यक्ष केपि शर्मा ओलीले गर्ने करिब निश्चित छ । नेकपा माओवादी केन्द्र सहितको वाम गठबन्धन निमार्ण गरेर चुनावमा गएपछि प्राप्त स्पष्ट बहुमतको नतिजाले वाम गठबन्धनलाई सरकार बनाउन सजिलो भएको...

कर्मचारी नियुक्तिमा सरकारको चलखेल: सिँचाइमन्त्री अर्थमै धर्ना, प्रधानमन्त्रीको यस्तो दबाब

काठमाडौं – शेरबहादुर देउवा सरकारका केही मन्त्रीले जाँदाजाँदै व्यक्तिगत तथा पार्टीगत आग्रहमा निकटस्थ व्यक्तिहरूलाई विभिन्न पदमा राजनीतिक नियुक्ति दिलाउन दबाब दिन थालेपछि मन्त्रालयका सचिवहरू अन्योलमा छन् । आजको अन्नपूर्ण पोस्टमा खबर छ । नयाँ सरकार गठन प्रक्रिया प्रारम्भ भइसक्दा मन्त्रीहरूबाट दबाब आउन थालेपछि केही...

मञ्चमा भक्कानिए एक्ला सांसद: अध्यक्षलाई दिए यस्तो संज्ञा

झापा – क्षेत्र नम्बर ३ बाट विजयी भएका महामन्त्री राजेन्द्र लिङदेन प्रतिनिधिसभामा राप्रपाका एकमात्र सांसद हुन् । उनलाई सम्मान गर्न शनिबार राप्रपा अध्यक्ष कमल थापासहित शीर्ष नेता झापा पुगे । सम्मान थापेपछि बेल्नको लागि ड्यासमा उभिएका लिङदेन भक्कानिएका थिए । आजको नयाँ...

राष्ट्रपतिले अध्यादेश स्वीकृत नगर्ने

काठमाडौं – राष्ट्रपति विद्यादेवी भण्डारीले प्रमुख दलबीच सहमति नभएसम्म राष्ट्रिय सभा गठनसम्बन्धी अध्यादेश स्वीकृत नगर्ने भएकी छिन् । आजको नयाँ पत्रिकामा खबर छ । प्रधानमन्त्री शेरबहादुर देउवा, एमाले अध्यक्ष केपी ओली, माओवादी केन्द्रका अध्यक्ष पुष्पकमल दाहाल प्रचण्डसँग छुट्टाछुट्टै छलफल गर्दै राष्ट्रपति भण्डारीले...