Motivate News

ओली र प्रचण्ड भेटघाट :पार्टी एकतालाई जोड

काठमाडौँ – निर्वाचनमा वामगठबन्धनले अत्याधिक बहुमत हासिल गरे । निर्वाचनमा एकअर्कामा धोका हुने अनुमानलाई एमाले र माओवादी केन्द्र दुवैतर्फका कार्यकर्ताले गतल सावित गरिदिए । निर्वाचनको परिणाम आउन थालेपछि दुवैतर्फका कार्यकर्ता एकता हुनेमा ढुक्क भए । निर्वाचन परिणाममा प्रत्यक्षतर्फ एमाले ८० सिट जित्दै सबैभन्दा ठुलो पार्टी बन्यो भने समग्र भोट र समानुपातिकको आधारमा त कांग्रेस दोस्रो ठुलो पार्टी भएपनि प्रत्यक्षतर्फको सिट संख्याको आधार ३६ सिट जित्दै माओवादी दोस्रो भयो ।

माओवादी अध्यक्षलाई कांग्रेस र मधेसवादी दलले प्रधानमन्त्रीको प्रस्ताव गरे । अनि प्रचण्ड अलमलमा परे । अनि उनले आलोपालोको कार्ड फ्याले । गृहजिल्ला चितवन गएर केही दिने विताए त्यसको चौतर्फी आलोचना भयो । एकता संयोजन समितिको बैठकमा समेत प्रचण्डको कारण दुई पटक स¥यो । समग्र राजनीतिमा गतिरोध उत्पन्न भयो । शंका उपशंका पनि उत्तिकै उब्जियो । यही बेला फोरमका अध्यक्ष उपेन्द्र यादव र एमाले अध्यक्ष वलीको भेटघाट पछि नयाँ घटनाक्रम चर्चा चल्न थाल्यो । एमाले र फोरमको सिट संख्याले प्रतिनिधि सभामा बहुमत पुग्ने भएका कारण स्वयम् माओवादी अध्यक्ष प्रचण्ड समेत अत्तालिए ।

एमालेको १२१ र फोरमको १६ जोड्दा १३७ हुन्छ । त्यो प्रतिनिधि सभाको २७५ सिटको बहुमत हो । रुपन्देहीमा पुगेर फोरम र एमालेको सरकार बनाउने कसरत भइरहेको भन्दै दुखेसो पाखे । केही समय देखि अल्झिएको राजनीतिमा एमाले अध्यक्ष केपी शर्मा ओली र माओवादी अध्यक्ष प्रचण्डको भेटले नयाँ तरङ्ग ल्याएको छ । बुधबार भएको ओली र प्रचण्ड विच देउवा सरकारले सरकार गठनको लागि मार्ग प्रशस्त गर्नु पर्ने, वाम एकता र राष्ट्रिय सभा अध्यादेशका विषयमा कुराकानी भएको छ । दुवै नेताले पार्टी एकतालाई जोड दिएका छन् । सरकार गठन र पार्टी एकताबारे बाहिर गलत हल्ला चलेपछि दुई अध्यक्ष बीच भएको भेटवार्तामा पार्टी एकता, नयाँ सरकार निर्माण र राष्ट्रियसभा गठन सम्बन्धी अध्यादेश बारे गम्भीर छलफल भएको एमाले अध्यक्ष ओलीका प्रेस संयोजक चेतन अधिकारीले जानकारी दिए ।
अन्नपूर्णबाट

प्रतिकृया दिनुहोस्

प्रदेश नं. ७ः मुख्यमन्त्रीलाई कालो झण्डा, यस्तो छ कारण !

धनगढी – प्रदेश नम्बर ७ का मुख्यमन्त्री त्रिलोचन भट्टलाई कञ्चनपुरमा कालो झण्डा देखाइएको छ । मुख्यमन्त्रीको सपथ खाएपछि पहिलो पटक कञ्चनपुर पुगेका मुख्यमन्त्री त्रिलोचन भट्टलाई कालोझण्डा देखाइएको हो । प्रदेश सरकार र राष्ट्रिय सभामा पनि दलितको प्रतिनिधित्व कम भएको भन्दै मुख्यमन्त्री भट्टलाई...

राष्ट्रपतिका लागि एमालेमा तीन आकांक्षी : भण्डारी, खनाल र नेम्वाङको लबिङ यस्तो

काठमाडौं – राष्ट्रपति निर्वाचनका लागि निर्वाचन आयोगले मिति तोकेसँगै सत्तासीन दल नेकपा एमाले भित्र दौडधुप बढेको छ । प्रतिनिधिसभा तथा प्रदेशसभा निर्वाचनबाट ठूलो दल बनेको एमालेमा राष्ट्रपतिका लागि सबैभन्दा बढी आकांक्षी देखिएका छन् । आयोगले २९ फागुनमा राष्ट्रपति निर्वाचन मिति तोकेको छ...

सरकार भ्रष्टाचार रोक्न प्रतिबद्ध छ : प्रधानमन्त्री ओली

काठमाडौं – प्रधानमन्त्री केपी शर्मा ओलीले विकास निर्माण लगायत अन्य क्षेत्रमा भएका कानुनी जटिलतालाई खुकुलो पार्ने बताएका छन् । नेपाल उद्योग वाणिज्य महासंघको बधाई ग्रहण गर्दै प्रधानमन्त्री ओलीले कानुनी जटिलता सरलिकरण गरेर चुस्त र छरितो पारिने बताए । ‘सरकारी कार्यालयका टेवलै पिच्छे...

संघीय सरकारमा अब १७ मन्त्रालय कायम रहने : १३ वटा गाभिए

काठमाडौं -अब संघीय सरकारमा बढीमा १७ वटा मन्त्रालय रहने भएका छन् । केन्द्रीकृत शासन प्रणाली अनुसार स्थापना भएका ३० वटा मन्त्रालय गाभिएर १७ वटामा सीमित हुने भएका हुन् । अहिले केन्द्रीय निकाय (प्रधानमन्त्री तथा मन्त्रिपरिषद कार्यालय) बाहेक ३० वटा मन्त्रालय छन् ।...