Motivate News

शेरबहादुर सत्ता लम्ब्याउन चाहन्छन् : रावल

काठमाडौं । नेकपा एमालेका उपाध्यक्ष भीम रावलले आफूलाई लोकतन्त्रको मसिहा मान्ने नेपाली कांग्रेसले देखाएको चरित्रबाट उदांगिएको बताएका छन् ।

डोटी काठमाडौं सम्पर्क मञ्चले आयोजना गरेको डोटी जिल्लाबाट निर्वाचित प्रतिनिधिसभा र प्रदेशसभाका सदस्यहरुलाई बधाई तथा शुभकामना कार्यक्रममा बोल्दै उनले अब बन्ने सरकारले सबैलाई न्याय गर्ने बताउँदै वर्तमान देउवा सरकारले जनमतको कदर गरेर तुरुन्त राजीनामा दिनुपर्ने संविधानमा हुँदै नभएको कुरालाई उचालेर सत्ता छोड्न आनाकानी गरेको आरोपसमेत लगाए । ‘राष्ट्रियसभाको विषय कांग्रेसले सत्ता लम्ब्याउने हतियार बनायो यसले उसको नियत नेपाली जनतासामु प्रस्ट भएको छ ’ उनले भने ।

नेकपा एमाले र माओवादी केन्द्रबीचको एकीकरणलाई कुनै पनि देशी विदेशी चलखेलले रोक्न नसक्ने दावी गर्दै उनले भने, ‘एमाले र माओवादी केन्द्रबीच एकीकरणलाई भाड्न अनेक हर्कत भएका छन् तर अब यी दुई पार्टीको एकतालाई कसैले रोक्न सक्दैन यो मेरो ठोकुवा हो ।’
डोटीबाट प्रतिनिधिसभा सदस्यमा निर्वाचित एमाले सांसद प्रेम बहादुर आलेले सत्ताको चरम दुरुपयोग गरेर केही स्थानहरुमा बुथ कब्जा गर्दासमेत डोटेली जनताले आफुलाई विजयी गराएकोमा धन्यवाद दिँदै अबको आफ्नो काम भनेकै डोटेली जनताको सेवामा समर्पित हुने बताए । सुदूरपश्चिमबाट निर्वाचित भएका सांसदहरुभन्दा आफुले धेरै विकास गरेर देखाउने वाचा गर्दै आलेले भने, ‘अब म डडेलधुराबाट निर्वाचित भएका प्रधानमन्त्री शेरबहादुर देउवाको भन्दा पनि धेरै विकास गरेरै देखाउँछु यो मेरो डोटेली जनतासामुको वाचा हो, अबको सात नम्बर प्रदेशलाई अन्य प्रदेशको दाँजोमा अब्बल बनाउन म पुरै अहोरात्र लाग्नेछु ’ उनले भने ।

‘आफ्नो जातको जनसंख्या थोरै भएर पनि एउटा मगरको छोरालाई विजयी गराउन जातजाती भन्दा पनि विकास गरेर देखाउन सक्ने हैसियत भएको युवा नेतालाई धेरै अपेक्षा राखेर मतदान गरेको मैले बुझेको छु, म त्यसलाई रत्तिभर डगमगाउन दिन्न ’ उनले बधाई कार्यक्रममा भने । निर्वाचनको समयमा नेताको घरदैलो ढुकेर बस्ने, जनताको नाममा सिन्को नभाँच्ने र अहिले आएर यो भयो त्यो भयो भनेर नेताको सामु चम्चाको काम गर्नेहरुलाई आफुले चिनेको उल्लेख गर्दै आलेले यस्ता दहीचिउरेहरुको कुरामा नेताहरुले ध्यान दिन नहुने बताए ।

‘यो निर्वाचनमा आफुले चाहेर भन्दा पनि एमालेका शीर्षस्थ नेताहरुले मेरो विकल्प छैन भनेरै मलाइ टिकट दिइएको हो, मलाइ यो वा ऊ पक्ष भन्ने थाहा छैन’ आलेले भने । आफु विकासलाई प्राथमिकता दिने ब्यक्ति भएकाले अबको पाँच वर्षमा डोटेली जनताको विकास र समृद्धिको लागि र मत दिएर विजयी गराउनेहरुको शीर उँचो राख्न आफुले कुनै कसर बाँकी नराख्ने बताए ।

डोटी जिल्लाको दिपायललाई सात नम्बर प्रदेशको राजधानी बनाउने अभियानमा आफ्नो पूर्ण समर्थन रहेको बताउँदै दिपायल हरेक हिसाबले प्रदेश सदरमुकाम हुन योग्य शहर भएको उल्लेख गरे । ‘डोटीको दिपायललाई सात नम्बर प्रदेश सदरमुकाम तोकिन माग गर्दै जुन आन्दोलन भइरहेको छ यसमा मेरो पुर्ण साथ र समर्थन छ यो हाम्रो आन्दोलनले गर्दा नै देउवा सरकारले धनगढीलाई सदरमुकाम तोक्न डराएको हो’ उनले उल्लेख गरे ।

प्रतिकृया दिनुहोस्

अपडेट: पहिरोले घर पुरिँदा पर्वतमा १ जनाकाे मृत्यु, ३ जना गम्भीर घाइते

हराएका ५ जना भने सम्पर्कमा

साउन २, पर्वत – अविरल वर्षापछि खसेको पहिरोले घर पुरिँदा पर्वतमा १ जनाकाे मृत्यु भएकाे छ भने ३ जना गम्भीर घाइते भएका छन्। जिल्लाको जलजला गाउँपालिका–८ स्थित लस्ती बेरनेतामा पहिरो जाँदा लस्ति बेरनेटाका बमबहादुर परियारका १६ वर्षीय छोरा विकास परियारकाे मृत्यु भएकाे...

३३ किलो सुन तस्करी प्रकरण : समितिको कामप्रति प्रधानमन्त्रीको असन्तुष्टिपछि थप अनुसन्धान रोकियो

साउन २,काठमाडौं – ३३ किलो सुन तस्करी प्रकरणबारे छानविन गर्न गठित समितिको कामप्रति प्रधानमन्त्री केपी शर्मा ओलीको असन्तुष्टिपछि थप अनुसन्धान रोकिएको छ । प्रधानमन्त्रीको असन्तुष्टिपछि समिति उक्त प्रकरणको थप अनुसन्धानका लागि अन्य व्यक्रिलाई गिरफ्तार गर्नुभन्दा अहिलेसम्म गरिएको अनुसन्धान प्रतिवेदन बुझाउने तयारीमा जुटेको...

कतारमा हुन गैरहेको विश्वकप फुटबल प्रतियोगिताको सुरक्षार्थ ठूलो संख्यामा नेपाली लैजाने प्रस्ताव

साउन २, काठमाडौं– कतारले सन् २०२२ मा आफ्नो देशमा हुन गैरहेको विश्वकप फुटबल प्रतियोगिताको सुरक्षार्थ ठूलो संख्यामा नेपालीहरुलाई लैजाने प्रस्ताव गरेको छ । मंगलबार नेपालका लागि कतारका राजदूत युसुफ बिन मोहम्मदले गृहमन्त्री रामबहादुर थापा बादलसँगको शिष्टाचार भेटवार्ताका क्रममा सो प्रस्ताव राखेका हुन्...

भारतलाई ८ विकेटले हराउँदै इंग्ल्याण्डले जित्यो तेस्रो एकदिवसीय खेल

साउन २, काठमाडौं –  इंग्ल्याण्डले भारतलाई ८ विकेटले हराउँदै तेस्रो एकदिवसीय खेल जितेको छ । यसका साथै इंग्ल्याण्डले २–१ को जित हात पार्दै श्रृङ्खला आफ्नो नाममा पारेको छ । लीड्सको हेडिंग्ली मैदानमा टस हारेर पहिले ब्याटिङ गरेको भारतले ८ विकेट गुमाउँदै २५६...