Motivate News

म्यानपावर दलालको ठग्ने नयाँ तरिका, यसरी ठगिए दर्जनौँ पूर्व आर्मीहरु

काठमाडौँ – म्यानपावर दलालहरुले नयाँ तरिकाले जनतालाई ठग्ने गरेको खुलासा भएको छ । विभिन्न देशमा सेकुरिटी गार्डका लागि पठाइदिन्छु भन्दै यूवाहरुसंग पैसा उठाएर सम्पर्क विहिन हुनेगरेको पाइएको छ ।

मोटिभेट न्यूजको सम्पर्कमा आएका पूर्व आर्मीहरुले आफूहरुलाई सुरुमा सिसिएल भन्ने ठाँउमा सेकुरिटी गार्डका लागि पठाई दिन्छु भन्दै यूवाहरुसंग ५० हजार देखि एक लाखसम्म पैसा लिएको ति युवाहरुले बताएका छन् । सिसिएल भन्ने ठाँउबाट काम नभएपछि इराक, अफगानस्थान, यूएइ पठाउने भन्दै झुलाउँदै आएको तर ६ महिना हुँदा सम्म पनि सम्पर्कमा नआएपछि उनीहरु सहयोग माग्दै मोटिभेट न्यूजसम्म आइपुगेका हुन् ।

विदेशमा रोजगारीका लागि पठाउने भन्दै दर्जनौँ यूवाहरुबाट पैसा उठाएर ति यूवाहरुको सम्पर्कबाट टाढा भएका क्रिटल म्यानपावरका अध्यक्ष तिलक गुरुङ, संचालक गोपाल गुरुङ, अर्का संचालक अनिल महतो र एजेण्ट सोम गुरुङले सामुहिक रुपमा ठगी गरेको पिडित यूवाहरुले बताएका छन् ।

दर्ता छैन म्यानपावर

काठमाडौंको चप्पल कारखाना नजिकै कार्यलय स्थापना गरेर गोपाल गुरुङ लगाएतको टिमले सोझा साझा युवाहरुलाई ठग्ने गरेको पाइएको छ । सम्पर्क कार्यलय भनेर काठमाडौंको चप्पल कारखानामा स्थापना गरेर पैसा उठाउने तर विदेश नपठाई फराहार हुने गरेको पिडित पूर्व आर्मीले बताएका छन् । उनका अनुसार पैसा लिएर जग्गामा लगानी गरेर उनीहरुले पैसा फिर्ता दिन नमानेको पिडितहरुको आरोप छ । क्रिस्टिल म्यानपावरको नाममा उनीहरुले कारोवार गर्ने गरेको तर त्यो नामको कम्पनी सरकारको कुनै पनि निकायमा दर्ता नभएको पाइएको छ ।

गैरकानुनी रुपमा पैसा उठाउँदै सम्पर्क विहिन भएका त्यसका संचालकहरुलाई मोटिभेटले सम्पर्क गर्दा एक अर्कालाई दोषापरण गर्दै पन्छिन खोजेका छन् । उक्त म्यानपावरमा मुख्य भनेर वाहिर देखिएका गोपाल गुरुङले उनिहरुले बुझाएको पैसा अफिसमा नआएको र अफिसले फिर्ता दिन नमिल्ने बताए । त्यस्तै अर्का संचालक सोम गुरुङले आफ्नो खातामा जम्मा भएको पैसा अफिसमा बुझाएको र गोपाल गुरुङले आफूलाई फसाउन खोजेको ओरोप लगाए ।

त्यहि टिमका अर्का अनिल महतोलाई सम्पर्क गर्दा सम्पर्क हुन सकेन । पैसा उठाउनेमा मुख्य योजनाकार गोपाल गुरुङ हुन भने पैसा असुल्ने अनिल महत्तो हुन् । त्यस्तै पैसा उठाउन सोम गुरुङ, अनिल महत्तोे र उनकी आफन्त विन्दु महत्तोको बैंक खाता प्रयोग गरि ठगी गरेका हुन् ।

क्रिस्टिल म्यानपाव नाकको संस्था सरकारको कुनै पनि निकायमा दर्ता भएको छैन् । दर्ता विना नेपाल सरकारलाई चुनैति दिंदै उनीहरुले सामुहिक रुपमा ठगी गरिरहेका छन् ।

दर्जनौं यूवाहरुको लाखौं रकम खाएर फरार

उक्त म्यानपावरका संचालकले दर्जनौं पूर्व आर्मीहरु तथा प्रहरीलाई ठगेर सम्पर्क विहिन भएका छन् । पुर्व आर्मी तथा प्रहरी मात्र होइन अन्य सय वढि सर्वसाधारणको पैसा पनि ठगेको प्रमाण मोटिभेटले प्राप्त गरेको छ ।

उनको कार्यलयमा दैनिक दर्जनौँ पिडित यूवाहरु आएर उनीहरुलाई खोजि गरिरहेका छन् । पिडित यूवाहरुमा पूर्व आर्मीहरु नगेन्द्र शाही, नरेश प्रसाईं, लक्ष्मी बन्जारा, अर्जुन कटुवाल, विरवहादु तामाङ, ओम बहादुर गुरुङ, टेकबहादुर थाम, अनिल पौडेल, मिन पाण्डे रहेका छन भने दिपेन्द्र शाही लगायत दर्जनौ पुर्व प्रहरी सहित सर्वसाधारणहरु ठगीएका छन् ।

उनीहरुबाट पचास हजार देखि एक लाख साठ्ठी हजारसम्म पैसा उठाएर सम्पर्क विहिन भएको पिडित यूवाहरुले बताएका छन् । पिडितले सम्पर्क गर्दा फोन नउठाउने र नयाँ नम्बरबाट फोन गर्दा मात्र उठाउने गरेको पिडित मध्यका एक जना पूर्व आर्मीले बताए । धेरै जनाले ऋण गरेर पैसा ल्याएको तर अहिले ऋणले च्यापेको उनीहरुको भनाई छ ।

अफिसमा तालाबन्दी

उनीहरुले भन्दै आएको क्रिस्टिल म्यानपावरमा केही दिन अघि पिडित यूवाहरुले कार्यलयमा ताला बन्दी गरेर आफ्नो फसेको रकम असुलेको खुलेको छ । दर्जनौं यूवाहरुको पैसा खाएपछि पिडित यूवाहरुको टिमले उक्त कार्यलयमा तालाबन्दी गरेर आफ्नो पैसा असुलेका हुन् ।

तालाबन्दी पछि उक्त म्यानपावरले १४ लाख रुपैया तिरेर अफिस संचालन गरेको थियो । अहिले कार्यलय कर्मचारी विहिन छ, भने म्यानपावरका मालिकहरु चुनावको वहाना गर्दै काठमाडौं वाहिर भएको भन्दै पन्छिने गरेका छन् । हरेक दिन उक्त म्यानपावरमा १५ देखि २० जना पिडितहरु पैसा असुल्न आउने गरेको र अफिसमा कोही नभएपछि रित्तो हात फर्किने गरेको एक अर्का पिडित यूवाले गुनासो गरे ।

सामुहिक ठगी

क्रिस्टिल म्यानपावरका चार जना संचालकले सबै युवाहरुलाई संगै राखेर सोमराज गुरुङको खातामा जम्मा गर्न लगाएको पुर्व आर्मीहरुले बताएका छन् । उनीहरुले बैंकको पहुंच अनुसार सोम गुरुङको खातामा पैसा पठाएको र बैंकको पहुंच भन्दा टाढा रहेका यूवाहरुले अनिल महत्तोको आफन्त विन्दु महत्तोको खातामा पैसा बुझाएको बताएका छन् ।

तर अहिले अनिल महत्तोले आफ्नो मोवाइल नम्बर ब्ल्याक लिस्टमा राखेका छन् भने गोपाल गुरुङले पैसा अफिसमा नआइपुगेको बताएका छन् । तर सोमराज गुरुङको खाता प्रयोग गर्न लगाएर आफूलाई फसाउन खोजेको सोमराजले बताएका छन् । उनले भने, ‘मेरो खातामा पैसा आएको कुरा साँचो हो । तर मैले त्यो पैसा जस्ताको तस्तै अनिल महत्तोलाई सबै पैसा बुझाएको छु । मलाई उनीहरुले फसाउन खोजेका छन् ।’ यसरी एकले अर्कालाई आरोपप्रत्यारोप गर्दै पन्छिनुको मतलव ठग्ने नियत रहेको प्रस्ट हुन आउँछ । २०७४ सालको साउनमा बmुझाएको पैसा अहिले सम्म नपाएको पिडित पूर्व आर्मीहरुको बताएका छन् ।

अझैँ पैसा उठाउँदै

पूर्व आर्मी तथा प्रहरीको पैसा असुलेका उनीहरुले अहिले पनि यो देश वा त्यो देश पठाईदिन्छु भन्दै रकम असुल्दै गरेको भेटिएको छ । काठमाण्डौँमा रहेर पैसा असुलिरहेका उनीहरुले पिडित यूवाहरुसंग वाहिर छु भन्दै ढाँटीरहेका छन् । विहिवार दिउसो गोप्य रुपमा पुर्व आर्मीहरुले पच्छ्याउँदा सामाखुसीबाट पैसा लिँदै गरेको भेटाएको एक पुर्व आर्मीले बताए । पैसा उठाएर जग्गामा लगानी गर्ने र यसरी फराहर हुने गरेका छन् ।

उनीहरुको धन्दा नै पैसा उठाउने र जग्गामा लगानी गर्ने रहेको उनीहरु निकटका केही व्यक्तिले नाम नखुलाउने सर्तमा बताएका छन् । उनका अनुसार उनीहरुले विदेशमा पठाउँछु भन्ने तर कसैलाई पनि विदेश नपठाएको बताएका छन् । पहिला पैसा उठाउने र पछि केही महिना झुलाउने, व्यतिm हेरेर अलिअलि पैसा फिर्ता गर्ने र सोझा साझा र अलि टाढाका यूवाहरुलाई पैसा नदिइकनै फराहर हुने गरेको पिडिहरुले बताए । विभिन्न मिडिया देखि सामाजिक संजालमा यस्ता खालका विज्ञापन गर्दै सोझा साझा यूवाहरुलाई ठगी गरिरहेका छन् ।

अफिस भाडा पनि तिर्न बाँकी

ठग तिलक गुरुङ, गोपाल गुरुङ, अनिल महत्तो र सोमराज गुरुङ ठुलो आर्थिक समस्यामा परेको पाइएको छ । उनीहरुले कति महिना देखि अफिसको भाडा पनि तिरेका छैनन् भने सय बढि यूवाहरुको रकम असुलेर फरार भएका छन् । अफिसको ८ लाख भन्दा बढि तिर्न बाँकी रहेको घरबेटीले बताएका छन् । त्यतिमात्र हैन् ठगी गरेर खाएको तर अफिसको तालाबन्दी पछि दिएको चेक पनि वाउन्स भएको भेटिएको छ । तिलक गुरुङ नामको खाताबाट काटीएको चेकहरु वाउन्स भएका हुन ।

 

प्रतिकृया दिनुहोस्

नेपालमा फेरी बढ्यो इन्धनको मूल्य

काठमाडौं – इन्धनको मूल्य फेरी बढेको छ । नेपाल आयल निगमले अन्तरराष्ट्रिय बजारमा मूल्य बढेको भन्दै बुधबार नेपालमा पनि इन्धनको मूल्य बढाइएको हो । पेट्रोलमा १ रुपैयाँ, डिजेलमा २ र मटितेलमा २ रुपैयाँ मूल्य बढेको निगमले जनाएको छ । यो मूल्य बुधबार...

१०२ मेगावाटको मध्य भोटेकोसी दुई वर्ष भित्र सक्न निर्देशन

काठमाडौं – सिन्धुपाल्चोकमा निर्माणाधीन १ सय २ मेगावाटको मध्यभोटेकोसी जलविद्युत् आयोजनाको काम दुई वर्षमा सम्पन्न गर्न ऊर्जा मन्त्रालय र नेपाल विद्युत् प्राधिकरणले निर्देशन दिएको छ । ऊर्जासचिव अनुपकुमार उपाध्याय र प्राधिकरणका कार्यकारी निर्देशक कुलमान घिसिङले दुई वर्षभित्र निर्माण सक्ने सुनिश्चिता हुने एकीकृत...

शितलहर प्रभावित तराईका २२ जिल्लामा २ करोड २२ लाख रुपैयाँ राहत घोषणा

  पुस २५, काठमाडौं – सरकारले तराईका २२ जिल्लामा केही दिन देखि बढेको चिसोको मारमा परेका सर्वसाधरणलाई २ करोड २२ लाख रुपैयाँ बराबरको राहत वितरण गर्ने निर्णय गरेको छ । सोमबार प्रधानमन्त्री शेरबहादुर देउवाको निर्देशनमा गृह मन्त्रालयले उक्त निर्णय गरेको हो ।...

खाना पकाउने ग्याँसको बिक्री बन्द

विराटनगर – मोरङका ग्याँस विक्रेताले खाना पकाउने ग्याँसको बिक्री वापत पाइने कमिशन वृद्धिको माग गर्दै हिजो देखि ग्याँसको बिक्री वितरण बन्द गरेका छन् । बिक्रेताले विरोध स्वरुप पसल बन्द गरी आफ्नो पसलको चाबी जिल्ला प्रशासन कार्यालय मोरङमा बुझाएका छन् । ग्याँस विक्रेता...