Motivate News

यी हुन पूर्वसेना र प्रहरीलाई ठग्ने म्यानपावर दलाल, हेर्नुहोस दलालको अनुहार

फोटो ः म्यानपावर दलाल गोपाल गुरुङ

काठमाडौँ – दर्ता नै नभएको क्रिस्टिल नामको म्यानपावरले नेपालीहरुलाई ठगी गरिहेको छ । पूर्व आर्मी तथा प्रहरीहरुलाई उक्त म्यानपावरले विदेश पठाइदिनेभन्दै पैसा असुलेर विदेश नपठाइदिएको गुनासो गरेका छन ।

उक्त म्यानपावरले विभिन्न देशमा सेक्युरिटी गार्डमा राम्रो जागिर मिलाई दिने भन्दै लाखौं रुपैयाँ उठाएर सम्पर्क विहिन हुनेगरेको पाइएको छ । दर्ता समेत नभएको म्यानपावरका संचालकहरुले सेवाबाट अवकाश भएका पूर्वआर्मी र प्रहरीका अफिसर र जवानहरुलाई सिसिएल भन्ने ठाउँमा सेक्युरिटी गार्डका लागि पठाई दिने भन्दै ५० हजारदेखि एक लाखसम्म रुपैयाँ असुल गरेक थिए ।

सिसिएल भन्ने ठाउँबाट काम नभएपछि इराक, अफगानस्थान, यूएइ पठाउने भन्दै झुलाउँदै आएको तर ६ महिना हुँदासम्म पनि सम्पर्कमा नआएपछि उनीहरु घर न घाटका भएका छन् ।

फोटो ः म्यानपावर दलाल अनिल महतो

विदेशमा रोजगारीका लागि पठाउने भन्दै दर्जनौँ युवाहरुबाट रुपैयाँ उठाएर म्यान पावर दलाल सम्पर्कविहीन भएका थिए । क्रिटल म्यानपावरका अध्यक्ष तिलक गुरुङ, संचालक गोपाल गुरुङ, अनिल महतो र एजेण्ट सोम गुरुङले सामुहिक रुपमा ठगी गरेको पीडित युवाहरुले बताए ।

पीडित युवाहरुमा पूर्वआर्मीहरु नगेन्द्र शाही, नरेश प्रसाईं, लक्ष्मी बन्जारा, अर्जुन कटुवाल, विरवहादु तामाङ, ओम बहादुर गुरुङ, टेकबहादुर थाम, अनिल पौडेल, मिन पाण्डे रहेका छन भने दिपेन्द्र शाहीलगायत दर्जनौं पुर्वप्रहरीसहित सर्वसाधारणहरु ठगीएका छन् । उनीहरुबाट पचास हजारदेखि एक लाख साठ्ठी हजारसम्म पैसा उठाएर सम्पर्कविहीन भएको पीडितले बताएका छन् । सम्पर्क गर्दा फोन नउठाउने तर नयाँ नम्बरबाट फोन उठाउने तर चिनेपछि काटिदिने पीडितहरुले गुनासो गरेका छन् ।

काठमाडौंको चप्पल कारखाना नजिकै कार्यलय स्थापना गरेर गोपाल गुरुङलगायतको टिमले सोझासाझा युवाहरुलाई ठग्ने गरेको पाइएको छ । सम्पर्क कार्यलय भनेर काठमाडौंको चप्पल कारखानामा स्थापना गरेर पैसा उठाउने तर विदेश नपठाई फरार हुने गरेको पीडित पूर्वआर्मीले बताएका छन् । क्रिस्टिल म्यानपावरको नाममा उनीहरुले कारोवार गर्ने गरेको तर त्यो नामको कम्पनी सरकारको कुनै पनि निकायमा दर्ता नभएको पाइएको छ । कार्यलयमा म्यानपावरको बोर्ड पनि  राखेको  छैन् ।

गैरकानुनी रुपमा पैसा उठाउँदै सम्पर्कविहीन भएका त्यसका संचालकहरुसँग सम्पर्क गर्दा एक अर्कालाई दोषी देखाउँदै पन्छिएका थिए । उक्त म्यानपावरमा मुख्य भनेर बाहिर देखिएका गोपाल गुरुङले पैसा अफिसमा नआएको र फिर्ता दिन नसक्ने बताउँछन् । त्यस्तै अर्का संचालक सोम गुरुङले आफ्नो खातामा जम्मा भएको पैसा अफिसमा बुझाएको र गोपाल गुरुङले आफूलाई फसाउन खोजेको ओरोप लगाए ।

यी हुन ठगहरु

ठगहरुको समुहका कमाण्डर हुन् गोपाल गुरुङ । उनको वास्तविक घर सोलुखुम्बु हो । आजभोली उनी परिवार संगै काठमाडौंमा बस्दै आएका छन् । त्यस्तै अर्का ठग हुन् अनिल महतो । महतो रुपन्देहीका हुन् उनी पनि काठमाडौंमा म्यानपावरको नाममा ठगी गर्दै आएका छन् । पैसा उठाउने ऐजेण्ट हुन सोमराज गुरुङ । त्यस्तै ठगहरुको लिस्टमा आउने अर्को नाम हो विन्दु महतो । उनी अनील महतोको आफन्त हुन् । उनी पैसा उठाउनका लागि प्रयोग भएकी महिला हुन् ।

प्रतिकृया दिनुहोस्

विकट गाउँबाट विकास थाल्नुस् : सभामुख महरा

असार ६, दाङ – सभामुख कृष्णबहादुर महराले विपन्न बस्तीबाट विकास थाल्न सुझाव दिएका छन् । घोराही उपमहानगरपालिकाका प्रमुखसहित जनप्रतिनिधिसँग बुधबार घोराहीमा भएको छलफलमा सभामुख महराले विकासमा पछि परेको क्षेत्रमा लगानी गर्न आग्रह गरेका हुन् । विपन्न बस्तीका स–साना योजनालाई प्राथमिकता दिन सभामुख...

ह्विलचियर क्रिकेटले चिनिएका छुल्टिम शेर्पा, जसले नेपालको नाम उचो राखे

काठमाडौँ – छुल्टिम शेर्पा सोलुखुम्बु जिल्लाको थामेमा वि.स.२०२३ सालमा जन्मिएका हुन् । मैले छुल्टिमको फ्ल्यासब्याकको बारेमा कुरा गर्न सुरु गर्दा उनको आँखामा टिलपिल आँशु भरिसकेको थियो । उनी यसरी भावुक हुनुको कारण रहेछ २ बर्षकै उमेरमै उनी पोलियो रोगबाट ग्रसित हुनु ।...

छिमेकीको साथ लिएर समृद्ध नेपालको सपना पूरा गरिने : प्रधानमन्त्री

असार ६, बेइजिङ – चीनको औपचारिक भ्रमणमा रहेका प्रधानमन्त्री केपी शर्मा ओलीले मुलुकभित्रको स्रोत, साधन र छिमेकीको साथ लिएर समृद्ध नेपालको सपना पूरा गरिने बताएका छन् । सरकारी र निजी क्षेत्रका संस्थासँगको सम्झौतामा हस्ताक्षर गर्न बेइजिङस्थित नेपाली दूतावासमा आयोजित समारोहमा बुधबार सम्बोधन...

प्रधानमन्त्री ओली बेइजिङमा

असार ५, बेइजिङ – प्रधानमन्त्री केपी शर्मा ओली छ दिने औपचारिक भ्रमणका क्रममा मंगलबार चीनको राजधानी बेइजिङ पुगेका छन् । चीनको राज्य परिषद्का प्रधानमन्त्री ली खछ्याङको निमन्त्रणामा गएका प्रधानमन्त्री ओलीलाई चीनको विदेश मन्त्रालयका सहायक मन्त्री झुयाङ हान हुईले बेइजिङस्थित क्यापिटल अन्तर्राष्ट्रिय विमानस्थलमा...