Motivate News

जित निश्चित भइसक्यो, हाम्रो प्रतिशपर्धा मतान्तरका लागि हो : सरोज बस्नेत

काठमाडौं – नेपाल शैक्षिक परामर्श संघ (इक्यान) को निर्वाचन मिति अत्यन्तै नजिक आइरहेको छ । यही बैशाख ८ गते इक्यानले निर्वाचन मार्फत अगामी दुई बर्षका लागि नयाँ नेतृत्व पाउँदैछ । यतिखेर सरोज बस्नेत र विष्णुहरी पाण्डे प्यानलनै बनाएर चुनावि मैदानमा छन । दुबै टिम आफ्नो प्यानलनै विजयी हुने दावि सहित निर्वाचन परिणामलाई आफ्नो पक्षमा पार्ने कसरतमा छन ।

यही मेसोमा अध्यक्षका उमेद्वार सरोज बस्नेतलाई मोटिभेट न्यूजले सोधेको थियो, ‘चुनाव नजिकै आइसक्यो कस्तो छ अवस्था ?’ उनले जवाफ दिए, ‘हाम्रो तयारी र सबै क्यालकुलेशनका आधारमा हामीले निर्वाचन जिति सक्यौँ । अव मतदान मार्फत औपचारीक परिणाम आउने प्राविधिक कुरा मात्र बाँकी छ । जति ठाँउमा हामी पुग्यौँ मतदाताहरुबाट हामीले सोचेको भन्दा अपार माया र विश्वास प्राप्त गरेका छौँ । यसबाट हाम्रो निष्कर्ष के हो भने अव हाम्रो प्रतिशपर्धा कति मतले चुनाव जित्ने भन्ने मात्र हो ।’

उनले भने, ‘हामी संग टिममा बर्षौ देखि परामर्श क्षेत्रमा लागेका आफूलाई परामर्शदाता हुँ भनेर गर्वका साथ परिचय दिन सक्ने प्रोफेशनल टिम छ । यो टिमलाई नजिताए कसलाई जिताउने ? केही साथीहरु अझैपनि केही गरि सरोज बस्नेतलाई हराउन सकिन्छ की भनेर लागिरहनु भएको छ । यो उहाँहरुको मृगतृष्णा मात्र हो ।’

बस्नेत प्यानल ‘२४ महिना २४ काम, सहि नेतृत्व साझा इक्यान’ भन्ने नाराका साथ ‘भिजन २०२० लक्ष्य लिएर चुनावि मैदानमा छ । केही दिन अघि मात्रै विशेष कार्यक्रम मार्फत औपचारीक उमेद्वारी घोषणा गरेको बस्नेत टिम देश दौडाहबाट फकिएपछि निकै उत्साहित देखिएको छ । मोटिभेट न्यूजसंग कुरागर्दै बस्नेतले आफ्नो पुरै टिमनै विजयी हुने दावि समेत गरे ।

उक्त टिमबाट अध्यक्षमा सरोज कुमार बस्नेत, उपाध्यक्षमा राजेन्द्र रिजाल, मेहेशबाबु तिमल्सिना र उमेश ढुंगेल, महासचिवमा सन्तोष प्याकुरेल, सचिवमा विक्रम के।सी र ज्ञानेन्दमान जोशी, कोषाध्यक्षमा सुर्य बहादुर डाँगी, सहकोषाध्यक्षमा राकेस श्रेष्ठ उमेद्वार रहेका छन ।

त्यसैगरि सदस्यहरुमा प्रशान्त शाह, मणिराम रावत, दिपक कोइराला, सुनिता श्रेष्ठ, नवराज खत्री के।सी, हरिराम लामिछाने, सोभित श्रेष्ठ र मोनोरम शाह उमेद्वार रहेका छन ।

प्रतिकृया दिनुहोस्

देशभर फैलिदै द नेस्क्ट एजुकेशन, आठौँ शाखा विस्तारको तयारीमा कन्सल्टेन्सी

काठमाडौँ – काठमाडौँको डिल्ली बजारमा केन्दीय कार्यालय रहेका द नेस्क्ट एजुकेशन कन्सल्टेन्सीले आफ्नो आठौँ शाखा विस्तार गर्ने भएको छ । चितवनको खैरेनी स्थित पर्सामा द नेस्क्टले यही जेष्ठ १६ गते बुधबारका दिन नयाँ शाखाको उद्घाटन गरेर ब्यावसाय सुरु गर्ने जनाएको छ ।...

कंगारुले गर्यो धुर्मुस सुन्तली फाउण्डेशनलाई आर्थिक सहयोग

काठमाडौँ – कंगारु एजुकेशन फाउण्डेशनले आफ्नो स्थापना दिवसको अवसर पारेर धुर्मुस सुन्तली फाउण्डेशनलाई आर्थिक सहयोग गरेको छ । आफ्नो ११ औ वार्षिकोत्सवको उपलक्ष्यमा कंगारुले अन्तर्राष्ट्रिय क्रिकेट रंगशाला बनाउँदै गरेको धुर्मुस सुन्तली फाउण्डेसनलाई एक लाख रुपैयाँ आर्थिक सहयोग गरेको हो । कंगारुका फाउण्डर...

इक्यानमा विष्णुहरि पाण्डेको उदय

काठमाडौं – नेपाल शैक्षिक परामर्श संघ (इक्यान)मा विष्णुहरि पाण्डेको उदय भएको छ । शनिबार सम्पन्न निर्वाचनमा पाण्डेले सरोजकुमार बस्नेतलाई १२ मतले पराजित गर्दै इक्यानको नेतृत्व सम्हालेका हुन । कुल खसेको ३४३ मतमध्ये पाण्डेले १७७ मत ल्याए भने बस्नेतले १६५ मत ल्याए ।...

इक्यानका सदस्यलाई समस्या पर्दा २४ सै घण्टा उपलब्ध हुन्छु :सरोज बस्नेत (भिडियो सहित)

काठमाडौँ – नेपाल शैक्षिक परामर्श संघ (इक्यान)को नयाँ नेतृत्वका लागि आगामी शनिबार निर्वाचन हुँदैछ । यतिखेर विष्णुहरी पाण्डे र सरोज कुमार बस्नेत प्यानल नै बनाएर निर्वाचनको मैदानमा छन । दुबै टिमले आफूले चुनाव जित्ने दावि समेत गरिरहेका छन । यसविच अध्यक्षका एक...