कविता : दूधको साक्षी बिरालो   


ओम आचार्य
प्रकाशित मिति : शनिबार, जेष्ठ २२ २०७८
10.7K
SHARES

बिरालोलाई

घर मन पर्छ

घरमा भएको दूध मन पर्छ

मक्खन अनि दही पनि मन पर्छ

दूध दही मक्खन चाट्दै खाएको

जुँगा र ओठमा दलेर

हाका हाकी देखाउँछ

बिरालोलाई

घर मन पर्छ

घर भित्रको मान्छे मन पराउँदैन

उ घर भित्रको मान्छे घटुन् भन्छ

उ घर भित्रको मान्छे मासिउन भन्छ

घर भित्रको मान्छे मन नपराउने

घर मन पराउने

सरकार

अहिले त्यही बिरालो जस्तै भएको छ

बिरालो शैली

म्याउँ म्याउँ गर्दै

अगाडी बढ्दै छ

घर मन पराउने

घर भित्रको मान्छे मन नपराउने

यो सरकार

कस्तो घरको परिकल्पना गर्दै छ

जुन घरमा जीवन हुँदैन

जुन घरमा मान्छे हुँदैन

त्यस्तो घर सरकार किन मन पराउँछ रु

घर भनेकै देश हो

र देश भनेकै हामी हौँ

अहिले

सरकार तिम्रो हातमा

देश भित्रको

दूध दही मक्खनको

भण्डारको साँचो

तिमीलाई जिम्मा लगायौँ

दूधको साक्षी बिरालो भयो ।