प्रचण्ड सकियोस भनेर सामाजिक सञ्जालमा बसेर रातदिन धुप हाल्ने को रहेछन खुल्यो रहस्य !


मोटिभेट न्यूज सम्बाददाता
प्रकाशित मिति : शुक्रबार, असोज ७ २०७९
570
SHARES

काठमाडौं – नेकपा माओवादी केन्द्रका अध्यक्ष पुष्पकमल दाहाल ‘प्रचण्डले नेकपा एमालेतर्फ संकेत गर्दै एकथरि मान्छे रातदिन प्रचण्ड सकियोस भनेर धुप बालेर बसेको बताएका छन् ।

दाहालले माओवादीविरुद्ध सामाजिक सञ्जालमा प्रतिगमन शक्तिहरू सबै एक भएर भ्रम छर्ने काम प्रष्ट देखिरहेको भन्दै एकथरी मान्छेहरु प्रचण्ड सकियोस भन्दै धुप बालेर बसेको बताएका हुन् ।

संविधान उल्ट्याउन पटकपटक जमर्को भइरहेको भन्दै अहिले पनि परिवर्न पक्षधर र विरोधीबीचमा पेचिलो संघर्ष चलिरहेको बताएका छन् ।

पार्टीनिकट किसान महासंघको भेलालाई सम्बोधन गर्दै प्रचण्डले पछिल्लोपटक टीआरसी विधेयक असफल पार्ने कसरत र नागरिकता विधेयक प्रमाणीकरण नगर्नुले त्यो देखाएको दाबी पनि गरेका छन् ।

उनले भने’ कुरा धेरै नै गहिरो छ । गत सालदेखिको प्रतिगमको षड्यन्त्र नयाँनयाँ रूपमा फेरि अगाडि ल्याउने जमर्को भइरहेको छ । हामीले एकता गुमायौं भने । कुनै दिनमा प्रतिगमन हुने अझै खतरा छ ।

संविधानको पालक र संरक्षकबाट जानीबुझी संविधान खुलेआम मिच्ने काम भएको छ । यो सामान्य होइन । हजारौंको बलिदानबाट प्राप्त उपलब्धि खोस्ने र अपहरणको षड्यन्त्र हो । यसलाई रोक्न अरु कसैले सक्दैन । गत साल लाखौंलाई सडकमा ल्याएपछि मात्र त्यो परास्त गर्‍यौं । अहिले पनि किसान, सुकुम्बासी, जनतालाई अगाडि बढाएर शिक्षित गर्दै आन्दोलित गरेर त्यसलाई परास्त गर्न सकिने उनको तर्क थियो  ।’

प्रचण्डले प्रतिगमन शक्तिहरू सबै एक भएर लागिरहेको दाबी पनि गरे । आफूमाथि निरन्तर प्रहार भइरहेको भन्दै उनले भने, ‘माओवादीविरुद्ध सामाजिक सञ्जालमा भ्रम छर्ने काम प्रष्ट देखिरहेको छ । एकथरि मान्छे बसेर रातदिन धुप हालिरहेका छन् प्रचण्ड सकियोस् भनेर । जसले परिवर्तनको नेतृत्व गर्‍यो त्यसैमाथि किन प्रहार भइरहेको छ रु काल्पनिक र कपोकल्पित आरोप लगाइन्छ । अस्ति म भारत जाँदा थाहा पाइहाल्नुभो भेट्दै नभेटेका मान्छे भेट्यो यति बुँदे सम्झौता गरियो भनेर लगातार कुप्रचार गर्ने गरिएको छ ।’

उनले ठूलो सपना बोकेर कम्युनिष्ट पार्टीलाई एकताबद्ध गरेर लगेपनि त्यसलाई बचाउन नसकिएको गुनासो गरे ।

‘देशी(विदेशी प्रतिक्रियावादी शक्तिहरूले वामपन्थीको एकता अहिले पनि आवश्यक फेरि नयाँ शिराबाट वामपन्थीलाई नजिक ल्याउने दिशामा छौं ।’